• Isaia 41:7
    Baebele ya Thanolo ya Lefatshe le Lesha

    •  7 Ka jalo, mmetli o nonotsha mothudi wa tshipi;+

      Yo o papetlang ka hamore*

      O nonotsha yo o kokotelelang mo lentswetshiping.

      O bua jaana ka tiro ya go lomaganya: “E siame.”

      Go tswa foo, o kokotela setshwantsho seo ka dipekere gore se se ka sa wa.

  • Isaia 46:6, 7
    Baebele ya Thanolo ya Lefatshe le Lesha

    •  6 Go na le batho ba ba ntshang gauta e ntsi mo sekgwameng sa bone;

      Ba lekanya selefera mo sekaleng.

      Ba thapa mothudi wa tshipi, mme ene o dira modimo ka yone.+

      Go tswa foo, ba ikoba fa pele ga one, ba a o obamela.*+

       7 Ba rwala modimo oo mo magetleng a bone;+

      Ba a o tsholetsa ba bo ba o baya mo lefelong la one, mme o ema fela foo.

      Ga o tswe mo lefelong la one.+

      Ba goela kwa go one, mme ga o arabe;

      Ga o kgone go golola ope mo matshwenyegong.+