• Pesalema 79:2, 3
    Baebele ya Thanolo ya Lefatshe le Lesha

    •  2 Di neile dinonyane tsa magodimo ditopo tsa batlhanka ba gago gore e nne dijo tsa tsone

      E bile di neile dibatana tsa lefatshe nama ya batho ba gago ba ba ikanyegang.+

       3 Di tsholotse madi a bone jaaka metsi go dikologa Jerusalema,

      Mme ga go na ope yo o setseng yo o ka ba fitlhang.+

  • Isaia 5:25
    Baebele ya Thanolo ya Lefatshe le Lesha

    • 25 Ke gone ka moo bogale jwa ga Jehofa bo tukelang batho ba gagwe,

      Mme o tla ba tsholeletsa seatla sa gagwe a bo a ba kgemetha.+

      Dithaba di tla roroma,

      Le ditopo tsa bone di tla nna jaaka matlakala mo mebileng.+

      Ka ntlha ya dilo tseno tsotlhe, bogale jwa gagwe ga bo a boela morago,

      Mme o sa ntse a otlolotse seatla sa gagwe gore a ba kgemethe.

  • Jeremia 9:22
    Baebele ya Thanolo ya Lefatshe le Lesha

    • 22 Ba reye o re, ‘Seno ke se Jehofa a se buang:

      “Ditopo tsa batho di tla wela mo nageng di bo di nna jaaka motshotelo,

      Di tla nna jaaka mola wa mabele a a sa tswang go rojwa a a oleng kwa morago ga morobi,

      Go se na ope yo o a phuthang.”’”+

  • Jeremia 36:30
    Baebele ya Thanolo ya Lefatshe le Lesha

    • 30 Ka jalo, seno ke se Jehofa a buang gore se tla diragalela Kgosi Jehoiakime wa Juda: ‘Ga a kitla a nna le setlogolwana sepe se se tla nnang mo setulong sa bogosi sa ga Dafide,+ e bile setopo sa gagwe se tla tlogelwa fela mo mogoteng motshegare le mo serameng bosigo.+