14 Mme lwa re, ‘Ka lebaka lefe?’ Ka gore Jehofa ke mosupi wa gore o ne wa direla mosadi wa bosha jwa gago boferefere, le fa gone e le molekane wa gago e bile e le mosadi yo o dirileng kgolagano le ene.*+

32 Le fa go ntse jalo, ke lo raya ke re monna ga a tshwanela go tlhala mosadi wa gagwe. Fa a mo tlhala, o mmaya mo kotsing ya gore a dire boaka, mme ope fela yo o nyalang mosadi yoo le ene o dira boaka. Monna a ka tlhala mosadi wa gagwe fa fela mosadi yoo a tlhakanetse dikobo le motho yo mongwe.*+

11 O ne a ba raya a re: “Ope fela yo o tlhalang mosadi wa gagwe a bo a nyala mosadi yo mongwe o dira boaka+ e bile o mo direla phoso, 12 e bile fa mosadi a sena go tlhala monna wa gagwe a bo a nyalwa ke yo mongwe, o dira boaka.”+

18 “Mongwe le mongwe yo o tlhalang mosadi wa gagwe a bo a nyala yo mongwe o dira boaka, e bile ope fela yo o nyalang mosadi yo o tlhadilweng, o dira boaka.+

3 Fa mosadi yoo a ka nyalwa ke monna yo mongwe, mme monna wa gagwe a sa ntse a tshela, o dira boaka.+ Mme fa monna wa gagwe a ka swa, o gololesegile mo molaong wa gagwe. Ka jalo, fa a ka nyalwa ke monna yo mongwe ga a dire boaka.+

10 Ke naya batho ba ba nyetseng ditaelo, mme go bua Morena e seng nna, gore mosadi yo o nyetsweng a se ka a kgaogana le monna wa gagwe.+

4 A batho botlhe ba tlotle lenyalo, e bile monna le mosadi ba ba nyalaneng ba tshwanetse go tshelela maikano a ba a dirileng,+ ka gonne Modimo o tla atlhola batho ba ba dirang boitsholo jo bo sa siamang jwa tlhakanelodikobo* le batho ba ba dirang boaka.+