50 Le fa go ntse jalo, Bajuda ba ne ba tlhotlheletsa basadi ba ba tlotlegang ba ba neng ba boifa Modimo le banna ba motse ba ba tseelwang kwa godimo gore ba tlhasele Paulo le Barenabase, mme ba ne ba ba bogisa+ ba bo ba ba leleka mo kgaolong ya bone.

30 Le gone, ke ka ntlha yang fa re tsenya botshelo jwa rona mo kotsing ka dinako tsotlhe?*+ 31 Bakaulengwe, ke ikana ka boitumelo jo ke nang le jone ka lona barutwa ba ga Keresete Jesu Morena wa rona, gore letsatsi le letsatsi ke mo kotsing ya go swa.

23 A ke badiredi ba ga Keresete? Ke araba jaaka setsenwa, nna ke modiredi wa ga Keresete ka tsela e e tlhomologileng thata: Ke dirile ditiro tse dintsi thata,+ ke tsentswe mo kgolegelong gantsi,+ ke iteilwe gantsintsi, e bile ke ne ka nna mo kotsing ya go bolawa makgetlo a le mantsi.+ 24 Bajuda ba ne ba mpetsa dithupa di le 39 ka makgetlo a le matlhano,+ 25 ke ne ka itewa ka dithobane gararo,+ ka kgobotlediwa ka maje gangwe,+ ka thubegelwa ke sekepe gararo,+ ka fetsa bosigo le motshegare mo lewatleng. 26 Ke ne ke tsaya maeto gantsi, ke ne ka lebana le dikotsi mo dinokeng, dikotsi tsa dinokwane, tsa batho ba gaetsho,+ tsa ditšhaba tse dingwe,+ dikotsi mo motseng,+ dikotsi mo nageng, dikotsi kwa lewatleng, dikotsi mo bakaulengweng ba maaka,