26 Gonne bakaulengwe ba kwa Makedonia le kwa Akaia ba itumeletse go ntshetsa bakaulengwe ba kwa Jerusalema ba ba humanegileng moneelo.+ 27 Ba ne ba itumeletse go dira jalo, tota e bile ba ne ba ba kolota. E re ka bakaulengwe ba kwa Jerusalema ba ne ba kgaoganya dilo tsa bone tse di tswang kwa Modimong le bone, le bone ba ne ba tshwanetse go ba naya dilo tse ba di tlhokang.+

6 Mo godimo ga moo, a motho yo o rutiwang* lefoko la Modimo, le yo o mo rutang ba abelane dilo tsotlhe tse di molemo.+

15 Tota e bile, lona Bafilipi, lo a itse gore fa ke ne ke tloga kwa Makedonia fa lo sena go utlwa ka dikgang tse di molemo, ga go na phuthego epe e e neng ya nthusa fa e se ya lona fela.+ 16 Fa ke ne ke le kwa Thesalonika, lo ne lwa nthomelela dilo tse ke di tlhokang ka makgetlo a le mabedi. 17 Ga se gore ke batla gore lo nneye dimpho. Ke ipatlela fela gore lo amogele tuelo* e lo tla e newang fa lo aba.