Esekiele

7 Jehofa o ne a bua le nna gape a re: 2 “Mme wena morwa motho, seno ke se Morena Molaodimogolo Jehofa a se bolelelang lefatshe la Iseraele: ‘Bokhutlo! Bokhutlo bo tlile mo dikhutlong tse nnê tsa lefatshe leno. 3 Jaanong bokhutlo bo gorogile mo go wena, mme ke tla goromeletsa bogale jwa me mo go wena, e bile ke tla go atlhola go ya ka tsela e o itshwarang ka yone ke bo ke go otlhaela ditiro tsotlhe tsa gago tse di makgapha. 4 Ga nkitla ke go utlwela botlhoko; e bile ga nkitla ke go tlhomogela pelo,+ ka gonne ke tla go tlisetsa diphelelo tsa ditsela tsa gago, e bile o tla lebana le ditlamorago tsa ditiro tsa gago tse di makgapha.+ Mme lo tla tshwanelwa ke go itse gore ke nna Jehofa.’+

5 “Seno ke se Morena Molaodimogolo Jehofa a se buang: ‘Masetlapelo, masetlapelo a a sa tshwaneng le ape a etla.+ 6 Bokhutlo bo etla; bokhutlo bo tla tla; bo tla go tlela.* Bo etla. 7 Jaanong nako ya gago* e gorogile, wena yo o nnang mo lefatsheng. Nako e gorogile, letsatsi le gaufi.+ Go na le modumo wa tlhakatlhakano, mme e seng modumo wa boitumelo kwa dithabeng.

8 “‘Mo bogautshwaneng ke tla tshololela tšhakgalo ya me mo go wena,+ e bile ke tla goromeletsa bogale jwa me jotlhe mo go wena,+ mme ke tla go atlhola go ya ka tsela e o itshwarang ka yone ke bo ke go otlhaela ditiro tsotlhe tsa gago tse di makgapha. 9 Ga nkitla ke go utlwela botlhoko; e bile ga nkitla ke go tlhomogela pelo.+ Ke tla go tlisetsa diphelelo tsa ditsela tsa gago, e bile o tla lebana le ditlamorago tsa ditiro tsa gago tse di makgapha. Mme lo tla tshwanelwa ke go itse gore nna, Jehofa, ke a lo itaya.+

10 “‘Letsatsi le etla! Bona, le gaufi!+ Nako ya gago* e gorogile; thobane e ntshitse malômô* le boikgodiso bo tlhogile. 11 Thubakanyo e godile ya fetoga thobane ya go otlhaela bosula.+ Bone kgotsa dikhumo tsa bone kgotsa boidiidi jwa bone kgotsa maemo a bone ga di kitla di falola. 12 Nako e tla tla, letsatsi le tla goroga. A moreki a se ka a itumela, e bile a morekisi a se ka a hutsafala, ka gonne boidiidi jotlhe jwa bone bo galefetswe.*+ 13 Gonne morekisi ga a kitla a boela kwa go se a neng a se rekisitse, tota le fa a ka tlogelwa a tshela, ka gonne ponatshegelo eno e tla diragalela batho ba le bantsintsi. Ga go na ope yo o tla boang, e bile ga go na ope yo o tla bolokang botshelo jwa gagwe ka ntlha ya molato ya gagwe.*

14 “‘Ba leditse terompeta,+ e bile mongwe le mongwe o ipaakantse, mme ga go na ope yo o yang kwa tlhabanong, ka gonne ke galefetse batho bao ba bantsintsi.+ 15 Tšhaka e kwa ntle,+ mme bolwetse jwa leroborobo le leuba di mo teng. Ope fela yo o kwa tshimong, o tla bolawa ka tšhaka, mme ba ba mo motseng ba tla bolawa ke leuba le bolwetse jwa leroborobo.+ 16 Bafalodi ba bone ba ba tla kgonang go tshaba ba tla ya kwa dithabeng, mme jaaka maeba a mekgatšha, mongwe le mongwe wa bone o tla hutsafalela molato wa gagwe.+ 17 Diatla tsa bone tsotlhe di tla repa, e bile mangole a bone otlhe a tla rotha metsi.*+ 18 Ba apere letsela la kgetsi,+ e bile ba roroma fela thata.* Mongwe le mongwe o tla tlhabiwa ke ditlhong e bile ditlhogo tsotlhe di tla nna lefatla.*+

19 “‘Ba tla latlhela selefera ya bone mo mebileng, e bile ba tla tlhoa gauta ya bone. Selefera ya bone kgotsa gauta ya bone ga di kitla di kgona go ba boloka mo letsatsing la tšhakgalo ya ga Jehofa.+ Ga ba kitla ba kgotsofala, e bile ga ba kitla ba kgona go tlatsa dimpa tsa bone, ka gonne di* fetogile selo se se kgopang se se dirang gore ba leofe. 20 Ba ipelafatsa ka mekgabisa ya bone e mentle, mme ba dirile ditshwantsho tsa bone tse di makgapha ka yone,* e leng medingwana ya bone e e ferosang sebete.+ Ke gone ka moo ke tla dirang gore di* fetoge sengwe se ba se tlhoileng. 21 Ke tla di* tsenya mo seatleng sa batswakwa gore ba di gape le mo seatleng sa badirabosula ba ba mo lefatsheng gore ba di tseye ka dikgoka, mme ba tla dira gore di se ka tsa tlhola di nna boitshepo.

22 “‘Ke tla ba tlogela,+ mme ba tla dira gore lefelo la me le le fitlhegileng* le se ka la tlhola le nna boitshepo, e bile dinokwane di tla tsena mo go lone di bo di dira gore le se ka la tlhola le nna boitshepo.+

23 “‘Dira keetane,*+ ka gonne lefatshe leno le tletse madi a batho ba ba sa direlwang tshiamiso+ e bile motse o tletse thubakanyo.+ 24 Ke tla tlisa batho ba setšhaba se se bosula go gaisa ditšhaba tse dingwe,+ mme ba tla gapa matlo a bone,+ e bile ke tla fedisa boikgogomoso jwa batho ba ba nonofileng, le mafelo a bone a a boitshepo a tla dirwa gore a se ka a tlhola a nna boitshepo.+ 25 Fa ba le mo mathateng a magolo, ba tla batla kagiso, mme e tla bo e seyo.+ 26 Ba tla welwa ke masetlapelo ka go latelana, e bile go tla nna le pego morago ga e nngwe, mme batho ba tla batla ponatshegelo mo moporofeting,+ le fa go ntse jalo, molao* o tla nyelela mo moperesiting le kgakololo e tla nyelela mo bagolwaneng.+ 27 Kgosi e tla hutsafala,+ e bile kgosana e tla tshwenyega thata,* mme diatla tsa batho ba lefatshe leo di tla roroma ka ntlha ya letshogo. Ke tla dirisana le bone go ya ka tsela e ba itshwarang ka yone, e bile ke tla ba atlhola jaaka ba atlhotse. Mme ba tla tshwanelwa ke go itse gore ke nna Jehofa.’”+