Dipesalema

78 Reetsang molao* wa me, lona batho ba me;

Sekegelang mafoko a molomo wa me tsebe.

 3 Dilo tse re di utlwileng le tse re di itseng,

Tse borraarona ba di re boleletseng,+

 4 Ga re kitla re di fitlhela bomorwaabone;

Re tla bolelela kokomana e e tlang+

Ka ditiro tsa ga Jehofa tse di tshwanelwang ke pako le ka nonofo ya gagwe,+

Dilo tse di gakgamatsang tse a di dirileng.+

 5 O ne a tlhoma ditaelo* mo go Jakobe

E bile o ne a tlhoma molao mo go Iseraele;

O ne a laela borraaronamogolo

Gore ba itsise bomorwaabone dilo tseno,+

 6 E le gore kokomana e e latelang,

E leng bana ba ba neng ba tla tsholwa, ba tle ba di itse.+

Ba ne ba se kitla ba lebala ditiro tsa Modimo+

Mme ba ne ba tla boloka ditaelo tsa gagwe.+

 8 Foo ba ne ba se kitla ba tshwana le borraabonemogolo,

E leng kokomana e e tlhogoethata le e e tlhanogang,+

Kokomana e e nnang e fetola mogopolo wa yone*+

Le e e neng e sa ikanyege mo Modimong.

 9 Baeferaime ba ne ba tshwere bora,

Le fa go ntse jalo, ba ne ba tshaba mo letsatsing la tlhabano.

10 Ga ba a ka ba boloka kgolagano ya Modimo+

E bile ba ne ba gana go tsamaya mo molaong wa gagwe.+

11 Gape ba ne ba lebala se a neng a se dirile,+

E leng ditiro tsa gagwe tse di gakgamatsang tse a neng a di ba bontsha.+

12 O ne a dira dilo tse di gakgamatsang mo lefatsheng la Egepeto, e leng kgaolo ya Soane,+

Borraabonemogolo ba ntse ba lebile.+

13 O ne a kgaoganya lewatle gore ba kgabaganye,

E bile o ne a dira gore metsi a eme jaaka letamo.*+

14 O ne a ba etelela pele ka leru motshegare

Mme bosigo jotlhe o ne a ba etelela pele ka lesedi la molelo.+

15 O ne a phatlola mafika mo nageng,

O ne a dira gore ba nwe metsi ba bo ba kgotsofale jaaka e kete ba nwa mo letšheng le le boteng.+

16 O ne a ntsha melatswana mo lefikeng

A bo a dira gore metsi a elele jaaka dinoka.+

17 Le fa go ntse jalo, ba ne ba tswelela ba leofa

Ka go tlhanogela Mogodimodimo kwa sekakeng;+

18 Ba ne ba leka Modimo mo pelong ya bone+

Ka go pateletsa gore ba newe dijo tse ba neng ba di eletsa.

19 Ka jalo, ba ne ba kgoba Modimo,

Ba re: “A Modimo a ka kgona go re naya dijo mo nageng?”+

20 O ne a itaya lefika

Mo e leng gore metsi a ne a elela le melatswana ya penologa.+

“A gape a ka kgona go re naya senkgwe,

Kgotsa a a ka tlamela batho ba gagwe ka nama?”+

21 Jehofa o ne a shakgala fa a ba utlwa;+

Molelo+ o ne wa tukela Jakobe,

Le bogale jwa gagwe bo ne jwa tlela Iseraele+

22 Gonne ba ne ba sa dumele mo Modimong;+

Ba ne ba sa tshepe gore a ka kgona go ba boloka.

23 Ka jalo, o ne a laela loapi lo lo nang le maru,

E bile o ne a bula dikgoro tsa legodimo.

24 O ne a nna a ba nesetsa mana gore ba je;

O ne a ba naya dijo tsa kwa legodimong.+

25 Batho ba ne ba ja senkgwe sa ba ba maatla;*+

O ne a ba naya se sentsi se se lekaneng gore ba kgotsofale.+

26 O ne a fudua phefo ya botlhaba kwa magodimong

Mme ka maatla a gagwe a fokisa phefo ya borwa.+

27 Mme o ne a ba nesetsa nama e le ntsi jaaka lorole,

A ba nesetsa dinonyane di le dintsi jaaka motlhaba* o o fa losing lwa lewatle.

28 O ne a dira gore di wele mo kampeng ya gagwe,

Go dikologa ditente tsa gagwe.

29 Ba ne ba ja ba bo ba kgora thata;

O ne a ba naya se ba neng ba se eletsa.+

30 Le fa go ntse jalo, pele ga ba ka kgotsofatsa keletso ya bone ka botlalo,

Dijo tseo di ne di sa ntse di le mo melomong ya bone,

31 Bogale jwa Modimo bo ne jwa ba tukela.+

O ne a bolaya banna ba ba maatla thata mo go bone;+

O ne a diga makawana a Iseraele.

32 Le fa gone seno se ile sa direga, ba ne ba leofa le go feta+

E bile ga ba a ka ba dumela ditiro tsa gagwe tse di gakgamatsang.+

33 Ka jalo, o ne a fedisa malatsi a bone fela jaaka mohemo,+

Le dingwaga tsa bone o ne a di fedisa ka masetlapelo a tshoganyetso.

34 Mme gangwe le gape fa a ne a bolaya bangwe ba bone, ba ne ba tle ba mmatle;+

Ba ne ba tle ba boe ba bo ba senka Modimo,

35 Ba gakologelwa gore Modimo e ne e le Lefika la bone+

Le gore Modimo Mogodimodimo e ne e le Morekolodi*+ wa bone.

36 Mme ba ne ba leka go mo tsietsa ka melomo ya bone

E bile ba ne ba mo aketsa ka maleme a bone.

37 Ba ne ba sa ikanyege mo go ene;+

E bile ba ne ba sa ikobele kgolagano ya gagwe.+

38 Le fa go ntse jalo, o ne a le kutlwelobotlhoko;+

O ne a tle a ba itshwarele* melato ya bone a bo a sa ba fedise.+

Gangwe le gape o ne a thibela bogale jwa gagwe+

Go na le go ntsha tšhakgalo ya gagwe yotlhe.

39 Gonne o ne a gakologelwa gore e ne e le batho ba nama,+

E le phefo fela e e fokang e feta mme e sa boe.*

40 Ruri ba ne ba mo tlhanogela gantsi kwa nageng+

E bile ba ne ba mo utlwisa botlhoko kwa sekakeng.+

41 Gangwe le gape ba ne ba leka Modimo,+

E bile ba ne ba hutsafatsa* Modimo yo o Boitshepo wa Iseraele.

42 Ga ba a ka ba gakologelwa maatla* a gagwe,

Letsatsi le a neng a ba golola* mo mmabeng ka lone,+

43 Kafa a ileng a bontsha ka gone ditshupo tsa gagwe kwa Egepeto+

Le dikgakgamatso tsa gagwe kwa kgaolong ya Soane,

44 Le kafa a ileng a fetola mesele ya Nile ka gone gore e nne madi+

Gore ba se ka ba kgona go nwa metsi a melatswana ya bone.

45 O ne a romela ditlhopha tse dikgolo tsa diboba gore di ba lome+

Le digwagwa gore di tlhasele naga ya bone.+

46 O ne a romela tsie e e senyang gore e senye dijalo tsa bone,

Le lesogodi la tsie gore le senye thobo e ba e bereketseng ka natla.+

47 O ne a senya ditlhare tsa bone tsa morara* ka sefako+

Le ditlhare tsa bone tsa mosikamore ka maje a sefako.

48 O ne a bolaya diphologolo tsa bone ka sefako+

Le leruo la bone ka legadima.*

49 O ne a tshololela bogale jwa gagwe jo bo tukang mo go bone,

Tšhakgalo le kgakalo le matshwenyego,

O ne a romela ditlhopha tsa baengele gore di tlise masetlapelo.

Ga a ka a ba sireletsa gore ba se ka ba bolawa;

Mme o ne a dira gore ba* tshwarwe ke bolwetse jwa leroborobo.

51 La bofelo o ne a bolaya maitibolo otlhe a Egepeto,+

E leng tshimologo ya maatla a bone a go tshola mo ditenteng tsa ga Hame.

52 Go tswa foo, o ne a ntsha batho ba gagwe kwa Egepeto

A bo a ba kaela jaaka dinku+ mo nageng.

53 O ne a ba etelela pele ka pabalesego,

Mme ga ba a ka ba boifa;+

Lewatle le ne la khurumetsa baba ba bone.+

54 O ne a ba tlisa mo nageng ya gagwe e e boitshepo,+

Mo kgaolong eno e e dithaba e a e gapileng ka seatla sa gagwe sa moja.+

55 O ne a leleka ditšhaba fa pele ga bone;+

O ne a ba abela boswa ka thapo e e lekanyang;+

O ne a baya ditso tsa Iseraele mo magaeng a a ba abetseng one.+

56 Le fa go ntse jalo, ba ne ba nna ba leka Modimo Mogodimodimo, e bile ba ne ba mo tlhanogela;+

Ba ne ba se ka ba reetsa dikgakololo tsa gagwe.+

57 Gape ba ne ba fapoga e bile ba ne ba le boferefere fela jaaka borraabonemogolo.+

Ba ne ba ka se ikanngwe fela jaaka bora jo bo bofologileng.+

58 Ba ne ba nna ba mo kgopisa ka mafelo a bone a a kwa godimo a a boitshepo,+

Mme ba ne ba dira gore a galefe* ka ntlha ya ditshwantsho tsa bone tse di betlilweng.+

59 Modimo o ne a utlwa a bo a shakgala,+

Ka jalo, o ne a latlha Iseraele gotlhelele.

60 La bofelo o ne a tlogela motlaagana o o kwa Shilo,+

E leng tente e a neng a nna mo go yone mo bathong.+

61 O ne a letla gore letshwao le le emelang nonofo ya gagwe le isiwe botshwarwa;

A tsenya bontlentle jwa gagwe mo seatleng sa mmaba.+

62 O ne a letla gore batho ba gagwe ba bolawe ka tšhaka+

E bile o ne a galefela boswa jwa gagwe.

63 Molelo o ne wa laila makawana a gagwe,

Mme makgarebane a gagwe ga a ka a opelelwa dipina tsa lenyalo.*

64 Baperesiti ba gagwe ba ne ba bolawa ka tšhaka,+

Mme batlholagadi ba bone ba ne ba se ka ba ba lelela.+

65 Foo Jehofa o ne a tsoga jaaka e kete o tsoga mo borokong,+

Jaaka monna yo o maatla+ a tlhapogelwa ke beine.

66 Mme o ne a busetsa baba ba gagwe kwa morago;+

O ne a ba tlontlolola ka bosakhutleng.

67 O ne a gana tente ya ga Josefa;

O ne a se ka a tlhopha lotso lwa ga Eferaime.

68 Mme o ne a tlhopha lotso lwa ga Juda,+

Thaba ya Siona, e a e ratang.+

69 O ne a dira gore lefelo la gagwe le le boitshepo le nnele ruri jaaka magodimo,*+

Jaaka lefatshe le a le tiisitseng gore le nne ka bosakhutleng.+

70 O ne a tlhopha motlhanka wa gagwe e bong Dafide+

A bo a mo ntsha kwa masakeng a dinku,+

71 Gore a se ka a tlhola a tlhokomela dinku tse di anyisang;

O ne a mo tlhoma gore a dise Jakobe, e bong batho ba gagwe,+

Le gore a dise Iseraele, e leng boswa jwa gagwe.+

72 O ne a ba disa ka pelo e e feletseng,+

E bile o ne a ba etelela pele ka botswerere.+