Dipesalema

85 O utlwetse lefatshe la gago botlhoko Jehofa;+

O busitse batho ba ga Jakobe ba ba neng ba isitswe botshwarwa.+

 2 O phimotse melato ya batho ba gago;

O ba itshwaretse* maleo a bone otlhe.+ (Selah)

 3 O ne wa thiba tšhakgalo yotlhe ya gago;

O ne wa tlogela bogale jwa gago jo bo tukang.+

 4 Re amogele gape,* tlhe Modimo wa poloko ya rona,

Mme o boe o re itumelele.+

 6 A ga o kitla o re naya maatla gape

Gore batho ba gago ba tle ba itumele ka ntlha ya gago?+

 7 Ao tlhe Jehofa, re bontshe lorato lo lo sa kgaotseng+

O bo o re boloke.

 8 Ke tla reetsa se Modimo wa boammaaruri e bong Jehofa a se buang,

Gonne o tla itsise kagiso mo bathong ba gagwe,+ mo bathong ba gagwe ba ba ikanyegang,

Mme a ba se ka ba boela kwa mokgweng wa bone wa go itshepa thata.+

 9 Eleruri o ikemiseditse go boloka batho ba ba mmoifang,+

Gore kgalalelo ya gagwe e tle e nne mo lefatsheng la rona.

10 Batho ba tla ratana ka lorato lo lo sa kgaotseng e bile ba tla ikanyega;

Go tla nna le tshiamo le kagiso.+

11 Boikanyegi bo tla tlhoga mo lefatsheng,

Mme tshiamo e tla leba kwa tlase e le kwa magodimong.+

12 Eleruri, Jehofa o tla naya batho se se molemo,*+

E bile lefatshe la rona le tla ungwa.+

13 Tshiamo e tla tsamaya fa pele ga gagwe+

E bo e direla dikgato tsa gagwe tselana.