Dipesalema

2 Ke ka ntlha yang fa merafe e galefile

Le ditšhaba di ngunanguna* ka selo se se se nang mosola?+

 2 Dikgosi tsa lefatshe di a ema

Le badiredibagolo ba phuthega mmogo* gore ba nne seoposengwe+

Mme ba ganetsane le Jehofa le motlodiwa wa gagwe.*+

 3 Ba ntse ba re: “A re kgaoleng dikeetane tsa bone

Re bo re latlhe megala ya bone!”

 4 Ene yo o ntseng mo setulong sa bogosi kwa magodimong o tla tshega;

Jehofa o tla ba sotla.

 5 Ka nako eo o tla bua le bone a galefile

E bile o tla ba tshosa ka gonne o tla bo a tuka bogale,

 6 A re: “Nna ka bonna, ke tlhomile kgosi ya me+

Mo Siona,+ e leng thaba ya me e e boitshepo.”

 7 Mma ke itsise taelo ya ga Jehofa;

O ne a nthaya a re: “O morwaake;+

Jaanong gompieno ke rrago.+

 8 Nkope mme ke tla go naya ditšhaba gore e nne boswa jwa gago

Le lefatshe lotlhe gore e nne la gago.+

 9 O tla di thubaganya ka lore lwa segosi lwa tshipi,+

E bile o tla di tšhwetlakanya jaaka sejana sa letsopa.”+

10 Mme jaanong, lona dikgosi, bontshang gore lo na le temogo;

Amogelang kgalemelo,* lona baatlhodi ba lefatshe.

11 Boifang Jehofa fa lo ntse lo mo direla,

Mme lo itumele fa lo ntse lo mo tlotla.

12 Tlotlang* morwa,+ go seng jalo Modimo o tla galefa,

Mme lo tla nyelediwa lo tlosiwa mo tseleng,+

Gonne bogale jwa Gagwe bo tuka ka bonako.