Ditiragalo wa Ntlha

24 Jaanong tseno e ne e le ditlhopha tsa ditlogolwana tsa ga Arone: Bomorwa Arone e ne e le Nadabe, Abihu,+ Eliasare le Ithamare.+ 2 Le fa go ntse jalo, Nadabe le Abihu ba ne ba swa pele ga ga rraabone,+ mme ba ne ba se na barwa bape; mme Eliasare+ le Ithamare ba ne ba tswelela ba direla e le baperesiti. 3 Dafide, mmogo le Sadoke+ yo o tswang mo go bomorwa Eliasare, le Ahimeleke yo o tswang mo go bomorwa Ithamare, ba ne ba ba kgaoganya ka ditlhopha go ya ka ditiro tse ba neng ba di dira. 4 E re ka bomorwa Eliasare ba ne ba na le dikgosana tse dintsi go feta bomorwa Ithamare, ba ne ba ba kgaoganya jaana: Bomorwa Eliasare ba ne ba nna le ditlhogo tsa dikgotla tsa bone di le 16, mme bomorwa Ithamare ba ne ba nna le ditlhogo tsa dikgotla tsa bone di le 8.

5 Mo godimo ga moo, ba ne ba ba kgaoganya ka bola,+ setlhopha se sengwe mmogo le se sengwe, ka gonne go ne go na le balaodi ba lefelo le le boitshepo le balaodi ba ba neng ba direla Modimo wa boammaaruri go tswa mo go bomorwa Eliasare le mo go bomorwa Ithamare. 6 Go tswa foo, Shemaia morwa Nethanele mokwaledi wa Balefi o ne a kwala maina a bone fa pele ga kgosi, dikgosana, moperesiti Sadoke,+ Ahimeleke+ morwa Abiathare+ le ditlhogo tsa dikgotla tsa bone tsa baperesiti le tsa Balefi, kgotla ya borraabone e le nngwe e ne e tlhophelwa Eliasare mme e nngwe e ne e tlhophelwa Ithamare.

7 Bola jwa ntlha bo ne jwa wela Jehoiaribe; jwa bobedi jwa wela Jedaia, 8 jwa boraro jwa wela Harime, jwa bonê jwa wela Seorime, 9 jwa botlhano jwa wela Malekija, jwa borataro jwa wela Mijamine, 10 jwa bosupa jwa wela Hakose, jwa borobedi jwa wela Abija,+ 11 jwa borobongwe jwa wela Jeshua, jwa bolesome jwa wela Shekania, 12 jwa bo11 jwa wela Eliashibe, jwa bo12 jwa wela Jakime, 13 jwa bo13 jwa wela Hupa, jwa bo14 jwa wela Jeshebeabe, 14 jwa bo15 jwa wela Bilega, jwa bo16 jwa wela Imere, 15 jwa bo17 jwa wela Hesire, jwa bo18 jwa wela Hapisese, 16 jwa bo19 jwa wela Pethahia, jwa bo20 jwa wela Jehesekele, 17 jwa bo21 jwa wela Jakine, jwa bo22 jwa wela Gamule, 18 jwa bo23 jwa wela Delaia, jwa bo24 jwa wela Maasia.

19 Tseno e ne e le ditiro tsa bone tse ba neng ba di dira+ fa ba ne ba tsena mo ntlong ya ga Jehofa go ya ka thulaganyo e e neng e tlhomilwe ke rraabonemogolo e bong Arone, fela jaaka Jehofa, Modimo wa Iseraele a ne a mo laetse.

20 Mme bano ke Balefi ba ba neng ba setse: go tswa mo go bomorwa Amerame,+ e ne e le Shubaele;+ go tswa mo go bomorwa Shubaele, e ne e le Jehedeia; 21 ba ga Rehabia:+ go tswa mo go bomorwa Rehabia, Ishia e ne e le tlhogo ya bone; 22 go tswa mo Baisehareng, e ne e le Shelomothe;+ go tswa mo go bomorwa Shelomothe, e ne e le Jahathe; 23 mme go tswa mo go bomorwa Heberone, Jeria+ e ne e le tlhogo ya bone, wa bobedi e le Amaria, wa boraro e le Jahasiele, wa bonê e le Jekameame; 24 go tswa mo go bomorwa Usiele, e ne e le Mika; go tswa mo go bomorwa Mika, e ne e le Shamire. 25 Monnawe Mika e ne e le Ishia; go tswa mo go bomorwa Ishia, e ne e le Sekarea.

26 Bomorwa Merari+ e ne e le Maheli le Mushi; go tswa mo go bomorwa Jaasia, e ne e le Beno. 27 Bomorwa Merari: ba ga Jaasia e ne e le Beno, Shohame, Sakure le Iberi; 28 ba ga Maheli e ne e le Eliasare, yo o neng a se na barwa bape;+ 29 ba ga Kishe: bomorwa Kishe e ne e le Jerameele; 30 mme bomorwa Mushi e ne e le Maheli, Edere le Jerimothe.

Bano e ne e le bomorwa Lefi go ya ka dikgotla tsa bone. 31 Mme le bone ba ne ba latlhela bola+ fela jaaka bomorwarraabone e bong bomorwa Arone ba ne ba dirile fa pele ga ga Kgosi Dafide, Sadoke, Ahimeleke le ditlhogo tsa dikgotla tsa bone tsa baperesiti le tsa Balefi. Dikgotla tsa bone tsa yo mogolo di ne di tsewa ka tsela e e tshwanang le tsa yo mmotlana.