Ditiragalo wa Ntlha

4 Bomorwa Juda e ne e le Perese,+ Heserone,+ Karami, Hure+ le Shobale.+ 2 Reaia morwa Shobale o ne a nna rraagwe Jahathe; Jahathe o ne a nna rraagwe Ahumai le Lahade. Ano e ne e le malapa a Basorathe.+ 3 Bano e ne e le barwa ba ga rraagwe Etame:+ Jesereele, Ishima le Idebashe, (mme leina la ga kgaitsadiabone e ne e le Haseleleponi), 4 mme Penuele e ne e le rraagwe Gedore, mme Esere e ne e le rraagwe Husha. Bano e ne e le bomorwa Hure,+ leitibolo la ga Eferatha e bile e le rraagwe Bethelehema.+ 5 Ashehure+ rraagwe Tekoa+ o ne a na le basadi ba babedi, Hela le Naara. 6 Naara o ne a mo tsholela Ahusame, Hefere, Temeni le Haahashetari. Bano e ne e le bomorwa Naara. 7 Mme bomorwa Hela e ne e le Serethe, Isehare le Ethenane. 8 Kose o ne a nna rraagwe Anube le Sobeba e bile ke rremogolo wa ditlogolwana tsa ga morwa Harume.

9 Jabese o ne a tlotlega thata go gaisa bomorwarraagwe; mme mmaagwe o ne a mo naya leina Jabese,* a re: “Ke ne ka mmelega ka ditlhabi.” 10 Jabese o ne a rapela Modimo wa Iseraele, a re: “E kete o ka ntshegofatsa mme wa oketsa karolo ya me ya naga, wa letla gore seatla sa gago se nne le nna, mme wa mpoloka mo masetlapelong, gore a se ka a nkutlwisa botlhoko!” Ka jalo, Modimo o ne a mo direla se a neng a se kopile.

11 Kelube morwarraagwe Shuha o ne a nna rraagwe Mehire, yo e neng e le rraagwe Eshetone. 12 Eshetone o ne a nna rraagwe Bethe-rafa, Pasea le Tehina, rraagwe Ire-nahashe. Bano e ne e le banna ba kwa Reka. 13 Mme bomorwa Kenase e ne e le Otheniele+ le Seraia, mme morwa* Otheniele e ne e le Hathathe. 14 Meonothai o ne a nna rraagwe Ofera. Seraia o ne a nna rraagwe Joabe rraagwe baagi ba Ge-harashime,* ba ne ba bidiwa jalo ka gonne e ne e le badiri ba ba ditswerere.

15 Bomorwa Kalebe+ morwa Jefune e ne e le Iru, Ela le Naame; mme morwa* Ela e ne e le Kenase. 16 Bomorwa Jehalelele e ne e le Siife, Sifa, Tiria le Asarele. 17 Bomorwa Esera e ne e le Jethere, Merede, Efere le Jalone; o* ne a ima a bo a tshola Miriame, Shammai le Isheba rraagwe Eshetemoa. 18 (Mme mosadi wa gagwe wa Mojuda o ne a tshola Jerede rraagwe Gedore, Hebere rraagwe Soko le Jekuthiele rraagwe Sanoa.) Bano e ne e le bomorwa Bithia, morwadia Faro, yo Merede a neng a mo nyetse.

19 Barwa ba mosadi wa ga Hodia, kgaitsadia Nahame, e ne e le borraagwe Keila wa Mogareme le Eshetemoa wa Momaakathe. 20 Mme bomorwa Shimone e ne e le Amenone, Rina, Bene-hanane le Tilone. Mme bomorwa Ishi e ne e le Sohethe le Bene-sohethe.

21 Bomorwa Shela+ morwa Juda e ne e le Ere rraagwe Leka le Laada rraagwe Mareshahe. Gape ditlogolwana tsa gagwe e ne e le ba malapa a ga Ashebea, ba ba neng ba dira letsela le le boleta, 22 le Jokime, banna ba Koseba, Joashe le Sarafe, ba ba neng ba nyala basadi ba Bamoabe, le Jashubi-leheme. Dipego tseno ke tsa bogologolo tala.* 23 E ne e le babopi ba letsopa ba ba neng ba nna kwa Netaime le kwa Gedera. Ba ne ba nna koo e bile ba berekela kgosi.

24 Bomorwa Simeone+ e ne e le Nemuele, Jamine, Jaribe, Sera le Shaulo.+ 25 Morwa Shaulo e ne e le Shalume, morwa Shalume e ne e le Mibesame mme morwa Mibesame e ne e le Mishema. 26 Mme morwa* Mishema e ne e le Hamuele, morwa Hamuele e ne e le Sakure, mme morwa Sakure e ne e le Shimei. 27 Mme Shimei o ne a na le barwa ba le 16 le barwadi ba le 6; mme bomorwarraagwe ba ne ba se na barwa ba bantsi, e bile ga go na lelapa lepe la bone le le neng le na le banna ba bantsi jaaka banna ba Juda.+ 28 Ba ne ba nna kwa Beere-sheba,+ Molada,+ Hasare-shuale,+ 29 Bileha, Eseme,+ Tolade, 30 Bethuele,+ Horema,+ Sikelage,+ 31 Bethe-marekabothe, Hasare-susime,+ Bethe-biri le kwa Shaaraime. Eno e ne e le metse ya bone go tla go fitlha mo pusong ya ga Dafide.

32 Gape ba ne ba nna kwa Etame, Aine, Rimone, Tokene le Ashane,+ metse e le metlhano, 33 mmogo le metsana yotlhe ya bone e e neng e dikologile metse eno yotlhe go ya go fitlha kwa Baale. Eno e ne e le tsela e ba neng ba ikwadisitse ka yone go ya ka tatelano ya masika a bone le mafelo a ba neng ba nna mo go one. 34 Mme Meshobabe, Jameleke, Josha morwa Amasia, 35 Joele, Jehu morwa Joshibia morwa Seraia morwa Asiele, 36 le Elioenai, Jaakoba, Jeshohaia, Asaia, Adiele, Jesimiele, Benaia, 37 le Sisa morwa Shifi morwa Alone morwa Jedaia morwa Shimeri morwa Shemaia; 38 bano ba ba umakilweng ka maina e ne e le dikgosana mo malapeng a bone, mme palo ya ba malapa a borraabonemogolo e ne ya oketsega. 39 Mme ba ne ba ya kwa kgorong ya Gedore, go ya kwa letlhakoreng le le ka fa botlhaba jwa mokgatšha, gore ba ye go batlela matsomane a bone mafulo. 40 La bofelo ba ne ba bona mafulo a a nonneng le a a molemo, mme lefatshe le ne le bulegile, le le mo kagisong e bile le sa tshwenngwe ke sepe. Batho ba ba neng ba nna mo go lone pele e ne e le Bahame.+ 41 Mme bano ba maina a bone a kwadilweng, ba ne ba tla mo motlheng wa ga Kgosi Hesekia+ wa Juda mme ba senya ditente tsa Bahame le Bameunime ba ba neng ba le koo. Ba ne ba ba fedisa mme go ne ga se ka ga sala ope go tla go fitlha mo letsatsing leno; mme ba ne ba simolola go nna mo lefelong la bone ka gonne go ne go na le mafulo a matsomane a bone koo.

42 Bangwe ba Basimeone, banna ba le 500, ba ne ba ya kwa Thabeng ya Seire+ ba eteletswe pele ke Pelatia, Nearia, Refaia le Usiele, bomorwa Ishi. 43 Ba ne ba kgemetha Baamaleke+ botlhe ba ba neng ba falotse, mme ba ne ba nna koo go tla go fitlha mo letsatsing leno.