Dipesalema

Pesalema ya ga Dafide. Pina.

101 Ke tla opela ka ga lorato lo lo sa kgaotseng le tshiamiso.

Jehofa, ke tla go opelela dipako.*

2 Ke tla dira ka botlhale le ka go tlhoka molato.*

O tla tla leng kwa go nna?

Ke tla tsamaya ka pelo e e se nang molato+ mo teng ga ntlo ya me.

3 Ga nkitla ke leba sepe se se se nang mosola.*

Ke tlhoile ditiro tsa batho ba ba fapogang se se siameng;+

Ga nkitla ke ikamanya le bone.*

4 Pelo e e sokameng e kgakala le nna;

Ga nkitla ke amogela* se se bosula.

5 Ope fela yo o senyang moagelani wa gagwe leina mo sephiring,+

Ke tla mo didimatsa.*

Ope fela yo o nang le matlho a a mabela le yo o nang le pelo e e ikgodisang,

Ga nkitla ke mo itshokela.

6 Ke tla amogela batho ba ba ikanyegang ba ba mo lefatsheng,

Gore ba tle ba nne le nna.

Yo o tsamayang ka go tlhoka molato* o tla ntirela.

7 Ga go na motho ope yo o tsietsang yo o tla nnang mo ntlong ya me,

E bile ga go na moaki ope yo o tla emang fa pele ga me.*

8 Moso le moso ke tla didimatsa* batho botlhe ba ba bosula mo lefatsheng,

Gore ke kgaole badirabosula botlhe mo motseng wa ga Jehofa.+