Dipesalema

Pesalema ya bomorwa Kora.+ Pina.

87 Motheo wa motse wa Modimo o mo dithabeng tse di boitshepo.+

2 Jehofa o rata dikgoro tsa Siona+

Go gaisa ditente tsotlhe tsa ga Jakobe.

3 Go buiwa dilo tse di galalelang ka wena, wena motse wa Modimo wa boammaaruri.+ (Selah)

4 Ke tla umaka Rahabe+ le Babelona mo go ba ba nkitseng;*

Bona Filisitia le Ture, mmogo le Kushe.

Go tla twe: “Yono ke yo o neng a tsholelwa teng.”

5 Mme go tla buiwa jaana ka ga Siona:

“Mongwe le mongwe o ne a tsholelwa mo go ene.”

Mme Mogodimodimo o tla mo tiisa.

6 Jehofa o tla bua jaana fa a kwadisa ditšhaba:

“Yono ke yo o neng a tsholelwa teng.” (Selah)

7 Baopedi+ le batho ba ba binang ba dirile sediko+ ba tla re:

“Metswedi ya me yotlhe e mo go wena.”*+