- - Batho botlhe ba ba mo dikhutlong tsa lefatshe ba tla boifa Modimo
    - Tsela ya Modimo e tshwanetse go itsiwe (2)
    - ‘A ditšhaba tsotlhe di bake Modimo’ (3, 5)
    - “Modimo o tla re segofatsa” (6, 7)

Baebele ya Thanolo ya Lefatshe le Lesha

Pesalema 67:1-7

Dipesalema

Go mokaedi; e opelwe le diletswa tsa megala. Pesalema. Pina.

67 Modimo o tla re utlwela botlhoko a bo a re segofatsa;

O tla re phatsimisetsa sefatlhego sa gagwe+ (Selah)

2 Gore tsela ya gagwe e tle e itsiwe mo lefatsheng lotlhe,+

Le gore ditiro tsa gagwe tsa poloko di itsiwe mo ditšhabeng tsotlhe.+

3 A ditšhaba di go bake Modimo;

A ditšhaba tsotlhe di go bake.

4 A merafe e itumele e bo e goe ka boitumelo,+

Gonne o tla atlhola ditšhaba ka tekatekano.+

O tla kaela ditšhaba tse di mo lefatsheng. (Selah)

5 A ditšhaba di go bake Modimo;

A ditšhaba tsotlhe di go bake.

6 Lefatshe le tla ungwa;+

Modimo, yo e leng Modimo wa rona, o tla re segofatsa.+

7 Modimo o tla re segofatsa,

Mme batho botlhe ba ba mo dikhutlong tsa lefatshe ba tla mmoifa.*+