Bala le Bana ba Gago

Go ya ka makasine mongwe wa kwa Brazil wa Veja, bana ba babadi ba ba tlhagafetseng ba ka nna ba rata go bala dibuka thata go na le bana ba ba se nang sekao sa go bala kwa gae. Martha Hoppe yo e leng moitse wa kgolo ya bana o bolela jaana: “Go bala mmogo go nonotsha kamano e e fa gare ga batsadi le bana mme go dira gore ngwana a tlhaloganye botoka se a se balang mo dibukeng.”

Go balela bana ba gago kwa godimo gape go tla go naya tshono ya gore o arabe dipotso. O ka nna wa tlotla ka ditshwantsho dipe fela tse di tlhagang mo kgannyeng e e balwang. Hoppe o bolela jaana: “Fa ngwana a tlhaloganya botoka se se mo dibukeng, o tla tlhotlheletsega thata go di batla fa a batla go itse gore di a reng.”

Batsadi ba le bantsi ba Basupi ba ga Jehofa ba itumelela go bala le bana ba bone. Ba ka nna ba dirisa dikgatiso tse di jaaka Buka ya Me ya Dipolelo tsa Bibela, Go Reetsa Morutisi yo Mogolo le Monna Yo Mogolo go Gaisa Botlhe Ba Ba Kileng Ba Tshela.a Dibuka tse di tshwanang le tseno ga di thuse fela bana go nna babadi ba ba molemo mme gape di godisa kgatlhego ya bone mo bukeng e e rekwang thata mo lefatsheng—Baebele e e Boitshepo. Ka jalo, fa e le gore o motsadi, tlhomela bana ba gago sekao ka go nna mmadi yo o tlhoafetseng wa Lefoko la Modimo. (Jošua 1:7, 8) Mme le fa go ka nna jang, iphe nako ya go ba balela!

[Dintlha tse di kwa tlase]