“A Bogosi Jwa Gago bo Tle”—Thapelo e e Rapelwang ke Batho ba le Bantsi
A o kile wa rapelela gore Bogosi Jwa Modimo bo tle? Batho ba le bantsi ga ba bolo go nna ba rapela ba re “A bogosi jwa gago bo tle.” Goreng ba nna ba rapela thapelo eno? Ka gonne Jesu o ne a laela balatedi ba gagwe gore ba rapelele Bogosi Jwa Modimo.
Kwa tshimologong, balatedi ba ga Jesu ba ne ba sa tlhaloganye sengwe le sengwe se a neng a se bua ka Bogosi joo. Nako nngwe ba ne ba mmotsa jaana: “Morena, a o busetsa bogosi mo Iseraele mo nakong eno?” Gongwe ba ile ba gakgamala fa Jesu a ne a sa ba bolelele letsatsi le Bogosi Jwa Modimo bo neng bo tla tla ka lone. (Ditiro 1:6, 7) A seno se raya gore ga re kitla re itse gore Bogosi Jwa Modimo ke eng le gore bo tla tla leng? Nnyaa, ga go jalo!
Makasine ono wa Tora ya Tebelo o tla go thusa go bona dikarabo tsa dipotso tseno:
Goreng re tlhoka Bogosi Jwa Modimo?
Kgosi ya Bogosi Jwa Modimo ke mang?
Bogosi Jwa Modimo bo tla busa lefatshe leng?
Bogosi Jwa Modimo bo tla dira eng?
Goreng re tshwanetse go tshegetsa Bogosi Jwa Modimo gone jaanong?
Bogosi Jwa Modimo ke eng?