-
“Gomotsang Batho ba Me”Boporofeti Jwa ga Isaia—Lesedi la Batho Botlhe I
-
-
12, 13. (a) Ke eng fa tsholofetso ya tsosoloso e ka ikanngwa? (b) Batshwarwa ba Bajuda ba na le dikgang dife tse di molemo, mme ke ka ntlha yang fa ba ka nna le tsholofelo?
12 Isaia o naya lebaka la bobedi la go bo tsholofetso ya tsosoloso e ka ikanngwa. Ene yo o dirang tsholofetso eno ke Modimo yo o nonofileng yo o tlhokomelang batho ba gagwe ka go ba neneketsa. Isaia o tswelela pele jaana: “Tlhatlogela le eleng kwa thabeng e e kwa godimo, wena mosadi yo o tlisetsang Siona dikgang tse di molemo. Tsholetsa lentswe la gago ka maatla, wena mosadi yo o tlisetsang Jerusalema dikgang tse di molemo. Le tsholetse. O se ka wa boifa. Raya metse ya Juda o re: ‘Modimo wa lona ke yo.’ Bona! Morena Molaodimogolo Jehofa o tla tla jaaka yo o nonofileng [“tota le ka maatla,” ntlhanyana e e kwa tlase mo go NW], le lebogo la gagwe le tla bo le busa mo boemong jwa gagwe. Bona! Maduo a gagwe a na le ene, le tuelo e a e duelang e fa pele ga gagwe. O tla disa motlhape wa gagwe jaaka modisa. O tla phutha dikwanyana mmogo ka lebogo la gagwe; mme o tla di tshola mo sehubeng sa gagwe. Tse di amusang o tla di etelela pele ka tlhoko.”—Isaia 40:9-11.
13 Mo metlheng ya Baebele go ne go tlwaelegile gore basadi ba itumelele diphenyo, ba goa kana ba opela dikgang tse di molemo tsa dintwa tse di fentsweng kana tsa kgololesego e e tlang. (1 Samuele 18:6, 7; Pesalema 68:11) Isaia o bolela ka tsela ya boporofeti gore batshwarwa ba Bajuda ba na le dikgang tse di molemo, dikgang tse di ka goiwang ka go tlhoka poifo, le eleng go tswa kwa godimo ga dithaba—Jehofa o tla etelela batho ba gagwe pele go boela kwa Jerusalema e ba e ratang! Ba ka nna le tsholofelo, ka gonne Jehofa o tla tla “tota le ka maatla.” Ka jalo, ga go na sepe se se ka mo thibelang go diragatsa tsholofetso ya gagwe.
-
-
“Gomotsang Batho ba Me”Boporofeti Jwa ga Isaia—Lesedi la Batho Botlhe I
-
-
15. (a) Ke leng fa Jehofa a ne a tla “tota le ka maatla,” mme ‘lebogo le le busang mo boemong jwa gagwe’ ke mang? (b) Ke dikgang dife tse di molemo tse di tshwanetseng tsa bolelwa ka go tlhoka poifo?
15 Mafoko a ga Isaia a na le bokao jo bontsi jwa boporofeti mo motlheng wa rona. Ka 1914, Jehofa o ne a tla “tota le ka maatla” mme a tlhoma Bogosi jwa gagwe kwa magodimong. ‘Lebogo le le busang mo boemong jwa gagwe’ ke Morwawe, Jesu Keresete, yo Jehofa a mo tlhomileng mo setulong sa gagwe sa bogosi sa selegodimo. Ka 1919, Jehofa o ne a golola batlhanka ba gagwe ba ba tloditsweng ba ba mo lefatsheng mo bokgobeng jwa Babelona o Mogolo mme a busetsa ka tsela e e feletseng kobamelo e e itshekileng ya Modimo yo o tshelang wa boammaaruri. Tseno ke dikgang tse di molemo tse di tshwanetseng tsa bolelwa ka go tlhoka poifo, jaaka e kete ka go goa go tswa kwa godimo ga dithaba gore polelo eno e utlwiwe kgakala. Ka gone he, a re tsholetseng mantswe a rona mme re bolelele ba bangwe ka bopelokgale gore Jehofa Modimo o buseditse kobamelo ya gagwe e e itshekileng mo lefatsheng leno!
-