‘Beela Sengwe Kwa Thoko’

Mo phuthegong ya bogologolo ya Bokeresete, go ne go na le dilo tsa senama tse di neng di tshwanelwa ke go tlhokomelwa. Mongwe le mongwe o ne a kgothalediwa go ‘beela sengwe kwa thoko,’ go ya ka gore o atlegile go le kana kang, gore e nne moneelo o o tla thusang gore go tlhokomelwe dilo tseo. (1 Bakor. 16:1-3) Ka ntlha ya bopelotshweu jwa bone, botlhe ba ne ba ipelela go bontsha “dipontsho di le dintsi tsa go leboga Modimo.”—2 Bakor. 9:11, 12.

Gompieno tiro ya lefatshe lotlhe ya batho ba ga Jehofa e ntse e oketsega, mo e tlhokang gore e engwe nokeng ka madi go feta le fa e le leng pele. Le rona re tshwanetse gore ka metlha re “beele sengwe kwa thoko” go thusa mo go tlhokomeleng dilo tseno tse di thokegang. (2 Bakor. 8:3, 4) Meneelo eno e ka ntshiwa ka ditsela tse di farologaneng. (Bona Tora ya Tebelo ya November 1, 2001, ditsebe 28-9.) Re leba seno ka tshwanelo e le tshiamelo e e re nayang boitumelo jwa mmatota.—Dit. 20:35.