26 Naʻá ne toʻo ki tuʻa mei he kato ʻo e mā taʻelēvani ʻa ia naʻe ʻi he ʻao ʻo Sihová ha foʻi mā ʻe taha taʻelēvani fuo hangē ha foʻi mamá,+ ko e foʻi mā ʻe taha fuo hangē ha foʻi mamá kuo fio mo e lolo+ mo e foʻi mā manifinifi ʻe taha. Naʻá ne tuku leva ia ki he ngaahi kongokonga ʻo e ngakó mo e alanga mui toʻomataʻú.

28 Naʻe toʻo leva ia ʻe Mōsese mei honau nimá pea tutu ia ke kohu ʻi he funga ʻōlitá ʻi ʻolunga ʻi he feilaulau tutú. Ko ha feilaulau fakanofo ia ko ha ngangatu fakahōifua.* Ko ha feilaulau ia ʻoku fai ʻaki ʻa e afi kia Sihova.

13 “‘Ko e lao leva eni fekauʻaki mo e tokotaha Nāsilí: ʻI heʻene fakakakato ʻa e ngaahi ʻaho ʻo ʻene Nāsilí,+ ʻe ʻomi ai ia ki he hūʻanga ʻo e tēniti feʻiloakiʻangá.

19 Pea ko e taulaʻeikí kuo pau ke ne toʻo ha alanga muʻa kuo haka+ mei he sipi tangatá, ko e foʻi mā taʻelēvani fuo hangē ha foʻi mamá ʻe taha mei he kató, mo e foʻi mā manifinifi taʻelēvani ʻe taha, ʻo ʻai ia ki he ongo ʻaofinima ʻo e Nāsilí hili ʻene tele ʻa e fakaʻilonga ʻo ʻene Nāsilí.