2 “Fakamāʻoniʻoniʻi* maʻaku ʻa e ʻuluaki tama tangata kotoa pē* ʻi he lotolotonga ʻo e kau ʻIsilelí. Ko e ʻuluaki tama tangata ʻe fanauʻí, fakatouʻosi ʻa e tangata mo e ʻuluaki ʻuhiki tangata ʻo e manú, ʻoku ʻaʻaku ia.”+

30 Ko e meʻa eni te ke fai ki hoʻo pulú mo hoʻo sipí:+ ʻI he hili hono fāʻeleʻí ʻe hokohoko atu ʻene ʻi heʻene faʻeé ʻi he ʻaho ʻe fitu. ʻI he ʻaho hono valú, te ke foaki ia kiate au.+

13 He ʻoku ʻaʻaku ʻa e ʻuluaki foha kotoa pē.+ ʻI he ʻaho naʻá ku taaʻi ai ʻa e ʻuluaki foha kotoa pē ʻi he fonua ko ʻIsipité,+ naʻá ku fakatapui maʻaku ʻa e ʻuluaki foha kotoa pē ʻi ʻIsileli mei he tangata ki he manu.+ ʻE ʻaʻaku kinautolu. Ko Sihova au.”

15 “Ko e ʻuluaki foha kotoa ʻo e meʻamoʻui kotoa pē,*+ ʻa ia te nau ʻoatu kia Sihová, pe ko ha tangata pe manu, ʻoku totonu ke ʻaʻau ia. Kae kehe, ʻoku totonu ke ke mātuʻaki huhuʻi ʻa e ʻuluaki foha ʻo e faʻahinga ʻo e tangatá,+ pea ko e ʻuluaki ʻuhiki tangata ʻo e fanga manu taʻemaʻá ʻoku totonu ke ke huhuʻi ia.+

17 Ko e ʻuluaki ʻuhiki tangata pē ʻo e pulú pe ko e ʻuluaki ʻuhiki tangata ʻo e lamí pe ko e ʻuluaki ʻuhiki tangata ʻo e kosí ʻoku ʻikai totonu ke ke huhuʻi ia.+ Ko e meʻa toputapu ia. ʻOku totonu ke ke afuhi honau totó ʻi he funga ʻōlitá,+ pea ko honau ngakó ʻoku totonu ke ke tutu ke kohu ia ko ha feilaulau ʻoku fai ʻaki ʻa e afi ko ha ngangatu fakahōifua* kia Sihova.+