5 Ka mou kumi kia Sihova ko homou ʻOtuá ʻi ha feituʻu pē ʻokú ne fili ke fokotuʻu ai hono huafá mo hono nofoʻangá ʻi he lotolotonga ʻo homou ngaahi matakalí kotoa, pea ʻalu ki ai.+ 6 Ko e feituʻu ia te mou ʻomi ki ai hoʻomou ngaahi feilaulau tutú,+ ko hoʻomou ngaahi feilaulaú, ko hoʻomou ngaahi vahe hongofulú,+ ko e meʻaʻofa mei homou nimá,+ ko hoʻomou ngaahi feilaulau fuakavá, ko hoʻomou ngaahi feilaulau loto-tauʻatāiná,+ pea mo e ʻuluaki ʻuhiki tangata ʻo hoʻomou fanga pulú mo e fanga sipí.+ 7 Ko kimoutolu mo homou ngaahi fāmilí kuo pau ke mou kai ai ʻi he ʻao ʻo Sihova ko homou ʻOtuá+ pea fiefia ʻi hoʻomou ngaahi ngāué kotoa,+ koeʻuhí ko Sihova ko ho ʻOtuá kuó ne tāpuakiʻi koe.