11 ʻI he aʻu ʻa Lehopoame ki Selusalemá, naʻá ne fakatahatahaʻi mai leva ʻa e fale ʻo Siuta mo Penisimaní,+ ko e kau tangata tau kuo ʻosi akoʻi* ʻe toko 180,000, ke nau tauʻi ʻa ʻIsileli koeʻuhí ke toe fakafoki mai ʻa e puleʻangá kia Lehopoame.+ 2 Pea naʻe hoko mai ʻa e folofola ʻa Sihová kia Semaia+ ko e tangata ʻa e ʻOtua moʻoní, ʻo pehē: 3 “Lea kia Lehopoame ko e foha ʻo Solomone ko e tuʻi ʻo Siutá pea ki he kotoa ʻo ʻIsileli ʻi Siuta mo Penisimaní, 4 ‘Ko e meʻa eni ʻoku folofolaʻaki ʻe Sihová: “Kuo pau ke ʻoua naʻa mou ʻalu hake ʻo tauʻi homou fanga tokouá. Ke mou taki taha foki ki hono fale, he kuó u fakatupunga ʻa e meʻá ni ke hoko.”’”+ Ko ia naʻa nau talangofua ki he folofola ʻa Sihová ʻo nau foki pea naʻe ʻikai te nau ʻalu ke tauʻi ʻa Selopoame.

5 Pea naʻe fakatahatahaʻi ʻe ʻAmasaia ʻa Siuta pea fokotuʻutuʻu kinautolu ʻo fakatatau ki he ngaahi fale ʻo ʻenau ngaahi tamaí, ʻo fakatatau ki he ngaahi ʻeiki ʻo e ngaahi toko afé pea fakatatau ki he ngaahi ʻeiki ʻo e ngaahi toko teaú, ʻa Siuta mo Penisimani+ kotoa. Naʻá ne lēsisita kinautolu mei he taʻu 20 ʻo faai ki ʻolunga,+ pea naʻá ne ʻilo ai naʻe toko 300,000 ʻa e kau tangata tau kuo akoʻi* ke nau kau ʻi he kau taú, ʻo malava ke nau ngāueʻaki ʻa e taó mo e ngaahi fuʻu paá.