22 ʻI he ʻuluaki taʻu ʻo e pule ʻa Tuʻi Kōlesi+ ʻo Pēsiá, pea koeʻuhí ke fakahoko ʻa e folofola ʻa Sihova fakafou ʻia Selemaiá,+ naʻe ueʻi ai ʻe Sihova ʻa e laumālie ʻo Tuʻi Kōlesi ʻo Pēsiá ke ne fai ha fanongonongo ʻi he kotoa ʻo hono puleʻangá, ʻa ia naʻá ne toe hiki foki,+ ʻo pehē: 23 “Ko e folofola eni ʻa Tuʻi Kōlesi ʻo Pēsiá, ‘Kuo foaki kiate au ʻe Sihova ko e ʻOtua ʻo e langí ʻa e puleʻanga kotoa pē ʻo e māmaní,+ pea kuó ne fekau au ke u langa moʻona ha fale ʻi Selusalema, ʻa ia ʻoku ʻi Siutá.+ ʻIlonga ʻa kimoutolu ʻoku ʻi he lotolotonga ʻo hono kakaí kotoa, ʻofa ke ʻiate ia ʻa Sihova ko hono ʻOtuá, pea tuku ke ne ʻalu hake.’”+

1 ʻI he ʻuluaki taʻu ʻo e pule ʻa Tuʻi Kōlesi+ ʻo Pēsiá, pea koeʻuhí ke fakahoko ʻa e folofola ʻa Sihova fakafou ʻia Selemaiá,+ naʻe ueʻi ai ʻe Sihova ʻa e laumālie ʻo Tuʻi Kōlesi ʻo Pēsiá ke ne fai ha fanongonongo ʻi he kotoa ʻo hono puleʻangá, ʻa ia naʻá ne toe hiki foki,+ ʻo pehē:

2 “Ko e folofola eni ʻa Tuʻi Kōlesi ʻo Pēsiá, ‘Kuo foaki kiate au ʻe Sihova ko e ʻOtua ʻo e langí ʻa e puleʻanga kotoa pē ʻo e māmaní,+ pea kuó ne fekau au ke u langa moʻona ha fale ʻi Selusalema,+ ʻa ia ʻoku ʻi Siutá. 3 ʻIlonga ʻa kimoutolu ʻoku ʻi he lotolotonga ʻo hono kakaí kotoa, ʻofa ke ʻiate ia ʻa hono ʻOtuá, pea tuku ke ne ʻalu hake ki Selusalema, ʻa ia ʻoku ʻi Siutá, pea toe langa ʻa e fale ʻo Sihova ko e ʻOtua ʻo ʻIsilelí—ko e ʻOtua moʻoní ia—ko hono falé ē naʻe ʻi Selusalemá.*