5 Ka naʻe tulimui atu ʻiate kinautolu ʻa e kau tau Kalitiá, ʻo nau maʻu ʻa Setekaia ʻi he toafa ʻo Sielikoó.+ Naʻa nau puke ia ʻo ʻave kia Tuʻi Nepukanesa* ʻo Pāpiloné ki Līpila+ ʻi he fonua ko Hēmatí,+ ʻa ia naʻá ne hilifaki ai ha tautea kiate ia. 6 Naʻe fekauʻi ʻe he tuʻi ʻo Pāpiloné ke tāmateʻi ʻa e ngaahi foha ʻo Setekaiá ʻi hono ʻaó ʻi ai ʻi Līpila, pea naʻe fekauʻi ʻe he tuʻi ʻo Pāpiloné ke tāmateʻi ʻa e kau houʻeiki kotoa ʻo Siutá.+ 7 Pea naʻá ne fakakuihi ʻa e mata ʻo Setekaiá, ʻi he hili iá naʻá ne haʻi ia ʻaki ʻa e meʻa-haʻi kopa ke ʻave ia ki Pāpilone.+

18 Ko e meʻa kiate koé, ʻe hoʻo ʻAfio, naʻe tuku ʻe he ʻOtua Fungani Māʻolungá kia Nepukanesa ko hoʻo tamaí ʻa e puleʻanga mo e tuʻunga lahi mo e lāngilangi pea mo e ngeia.+ 19 Koeʻuhi ko e tuʻunga lahi naʻá Ne ʻoange kiate iá, ko e ngaahi kakai kotoa pē, ngaahi puleʻanga, mo e ngaahi kakai lea kehekehé naʻa nau tete ʻi he manavahē ʻi hono ʻaó.+ Naʻá ne tāmateʻi pe tuku ke moʻui ha taha pē naʻá ne loto ki ai, pea naʻá ne hakeakiʻi pe fakamaaʻi+ ha taha pē naʻá ne loto ki ai.