14 Pea naʻe haʻu ʻa e kau ākonga ʻa Sioné kiate ia ʻo nau ʻeke: “Ko e hā ʻoku mau faʻa ʻaukai ai kimautolu mo e kau Fālesí kae ʻikai ke ʻaukai ʻa hoʻo kau ākonga ia ʻaʻaú?”+ 15 ʻI he meʻá ni naʻe pehē ʻe Sīsū kiate kinautolu: “Ko e ngaahi kaungāmeʻa ʻo e tangata malí ʻoku ʻikai ha ʻuhinga ke nau fakamamahi ʻi he lolotonga ʻo e ʻiate kinautolu ʻa e tangata malí,+ ʻikai ko ia? Ka ʻe hoko mai ʻa e ngaahi ʻaho ʻa ia ʻe ʻave ai meiate kinautolu ʻa e tangata malí,+ pea te nau toki ʻaukai leva.

33 Naʻa nau pehē kiate ia: “Ko e kau ākonga ʻa Sioné ʻoku nau toutou ʻaukai mo fai ʻa e ngaahi hū tōtōaki, pea pehē ki he kau ākonga ʻa e kau Fālesí, ka ko e kau ākonga ia ʻaʻaú ʻoku nau kai mo inu.”+ 34 Naʻe pehē ʻe Sīsū kiate kinautolu: “Heʻikai lava ke mou ʻai ʻa e ngaahi kaungāmeʻa ʻo e tangata malí ke nau ʻaukai ʻi he lolotonga ʻo e ʻiate kinautolu ʻa e tangata malí, ʻikai ko ia? 35 Ka ʻe hoko mai ʻa e ngaahi ʻaho ʻa ia ʻe ʻave moʻoni ai meiate kinautolu ʻa e tangata malí;+ te nau toki ʻaukai leva ʻi he ngaahi ʻaho ko iá.”+