16 “Ko ia naʻe molé te u kumi ki ai,+ ko ia naʻe heé te u fakafoki mai, ko ia naʻe laveá te u haʻihaʻi, pea ko e vaivaí te u fakaivimālohiʻi; ka ko ia ʻoku sinó pea mo ia ʻoku mālohí te u fakaʻauha ʻosi. Te u fafangaʻaki ia ʻa e fakamaau.”

13 Ko ia, mou ʻalu ʻo ako ke ʻilo ʻa e ʻuhinga ʻo e meʻá ni: ‘ʻOku ou fiemaʻu ʻa e mēsí, ʻo ʻikai ko e feilaulaú.’+ He naʻá ku haʻú ke ui, ʻo ʻikai ko e kakai māʻoniʻoní, ka ko e kau angahalá.”

24 Naʻá ne tali ange: “Naʻe ʻikai fekauʻi mai au ki ha toe taha ka ki he fanga sipi mole ʻo e fale ʻo ʻIsilelí.”+

4 “Ko hai ia ha tangata ʻiate kimoutolu ʻoku ʻi ai haʻane sipi ʻe 100, ʻo ka mole ha taha ʻo kinautolu, ʻe ʻikai te ne tuku ʻa e toko 99 ʻi he toafá kae ʻalu ʻo kumi ʻa e taha kuo molé kae ʻoua kuó ne maʻu ia?+

8 Ka ko e ʻOtuá ʻokú ne fakahaaʻi lelei mai ʻene ʻofa ʻaʻaná kiate kitautolu ʻi he foungá ni: Naʻe pekia ʻa Kalaisi maʻatautolu lolotonga ʻetau kei hoko ko e kau angahalá.+

15 Ko e lea ko ʻení ʻoku falalaʻanga pea ʻoku taau ke tali fakaʻaufuli: Naʻe haʻu ʻa Kalaisi Sīsū ki he māmaní ke fakahaofi ʻa e kau angahalá.+ ʻI he faʻahingá ni, ʻoku ou tuʻu-ki-muʻa ai au.+