• Luke 2:29-32
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 29 “ʻEiki Hau, kuó ke tuku eni ʻa hoʻo tamaioʻeikí ke ʻalu fiemālie+ ʻo fakatatau ki hoʻo folofolá, 30 koeʻuhi kuo mamata ʻa hoku matá ki he tokotaha te ne ʻomi ʻa e fakamoʻuí+ 31 ʻa ia kuó ke teuteu ʻi he ʻao ʻo e ngaahi kakai kotoa pē,+ 32 ko ha maama+ ki hono toʻo ʻa e pūlou mei he ngaahi puleʻangá+ pea mo ha lāngilangiʻanga ʻo ho kakai ko ʻIsilelí.”

  • Ngāue 18:5, 6
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 5 Pea ʻi he ʻalu hifo ʻa Sailosi+ mo Tīmote+ mei Masitōniá, naʻe kamata ke nōfoʻi lahi ʻa Paula ki he folofolá, ʻi he faifakamoʻoni ki he kau Siú ke fakamoʻoniʻi ko Sīsuú ko e Kalaisí ia.+ 6 Ka ʻi he hili ʻenau hanganaki fakafepakiʻi ia mo leakoviʻí, naʻá ne tupeʻi atu hono kofú+ ʻo ne pehē kiate kinautolu: “Tuku ke ʻeke pē homou totó ki homou tumuʻakí.+ ʻOku ou ʻataʻatā au.+ Mei he taimí ni ʻo faai atu te u ʻalu au ki he kakai ʻo e ngaahi puleʻangá.”+