19 Naʻe pehē ange leva ʻe Maikaia: “Ko ia ai, fanongo mai ki he folofola ʻa Sihová: Naʻá ku sio kia Sihova ʻokú ne ʻafio ʻi hono taloní+ pea ko e kau tau kotoa ʻo e langí ʻoku nau tuʻu ʻi hono tafaʻakí, ʻi hono toʻomataʻú pea ʻi hono toʻohemá.+

6 ʻI he taʻu naʻe mate ai ʻa Tuʻi ʻŪsaiá,+ naʻá ku mamata ai kia Sihova ʻokú ne ʻafio ʻi ha taloni māʻolunga mo mahiki hake,+ pea naʻe fonu ʻa e temipalé ʻi he ngaahi kapa ʻo hono kofú.

26 ʻI he funga faliki kilisitala naʻe ʻi ʻolunga ʻi honau ʻulú naʻe hā mei ai ha meʻa hangē ha maka sāfaiá,+ pea naʻe tatau ia mo ha taloni.+ Naʻe ʻafio ʻi he taloni ʻi ʻolungá ha tokotaha ʻa ia ko hono fōtungá naʻe tatau mo ha tangata.+ 27 Naʻá ku sio ki ha meʻa naʻe ulo hangē ha mētale ngingilá+ ʻa ia naʻe hangē ha afi ʻoku huhulu mei ha meʻa naʻe hā mai ko hono kongalotó ia ʻo faai hake ki ʻolunga; pea mei hono kongalotó ʻo faai hifo ki lalo, naʻá ku sio ai ki ha meʻa hangē ha afí.+ Naʻe ʻi ai ha ulo ngingila takatakai ʻiate ia

9 “Naʻá ku moʻusioa pē kae ʻoua kuo fokotuʻu ʻa e ngaahi taloni pea naʻe ʻafio+ ai ʻa Talumeimuʻa.+ Ko hono teungá naʻe hinehina ʻo hangē ko e sinoú,+ pea ko hono fulufuluʻiʻulú naʻe hangē ha fulufuluʻisipi maʻá. Ko hono taloní ko e uloʻi afi; ko hono ngaahi veʻeteká ko ha afi ulo kakaha.+

55 Ka ʻi heʻene fonu ʻi he laumālie māʻoniʻoní, naʻá ne sio fakamamaʻu hake ki he langí ʻo ne mamata ki he lāngilangi ʻo e ʻOtuá pea mo Sīsū ʻoku tuʻu ʻi he nima toʻomataʻu ʻo e ʻOtuá,+