6 Pea te ne totongi ki he tokotaha taki taha ʻo fakatatau ki heʻene ngaahi ngāué:+ 7 Ko e moʻui taʻengata ki he faʻahinga ʻoku nau kumi ki he ngeia mo e lāngilangi mo e moʻui taʻefaʻaʻauhá+ ʻaki ʻa e kātaki ʻi he ngāue ʻoku leleí;

7 Kuó u faitau tōtōivi,+ kuó u ʻosiki ʻa e lová,+ kuó u tuʻu maʻu ʻi he tuí. 8 Mei he taimi ko ʻení ʻo faai atu, kuo tuku tauhi mai maʻaku ʻa e kalauni ʻo e māʻoniʻoní,+ ʻa ia ʻe foaki mai kiate au ʻe he ʻEikí, ko e fakamaau māʻoniʻoní,+ ko ha pale ʻi he ʻaho ko iá,+ ʻo ʻikai kiate au pē, kae toe pehē foki ki he kotoa ʻo e faʻahinga ʻoku nau fakatuʻamelie ki heʻene hā maí.

12 Fiefia ē ka ko e tangata ko ia ʻokú ne hanganaki kātakiʻi ʻa e ʻahiʻahí,+ koeʻuhí ʻi heʻene hoko ʻo maʻu ʻa e hōifuá te ne maʻu ai ʻa e kalauni ʻo e moʻuí,+ ʻa ia naʻe talaʻofa ʻe Sihova* ki he faʻahinga ʻoku hokohoko atu ʻenau ʻofa kiate Iá.+

4 Pea naʻá ku sio ki ha ngaahi taloni, pea ko e faʻahinga naʻe nofo aí naʻe ʻoange kiate kinautolu ʻa e mafai ke faifakamaau. ʻIo, naʻá ku sio ki he faʻahinga naʻe tāmateʻi* koeʻuhi ko e fakamoʻoni naʻa nau fai fekauʻaki mo Sīsuú mo ʻenau lea ʻo fekauʻaki mo e ʻOtuá, pea ko e faʻahinga naʻe ʻikai te nau lotu ki he manu fekaí pe ko hono ʻīmisí pea naʻe ʻikai te nau maʻu ʻa e fakaʻilongá ʻi honau laʻé pea ʻi honau nimá.+ Pea naʻa nau moʻui mai ʻo pule ko e ngaahi tuʻi fakataha mo e Kalaisí+ ʻi he taʻu ʻe 1,000.