ʻIsikeli

23 Naʻe toe hoko mai ʻa e folofola ʻa Sihová kiate au, ʻo pehē: 2 “Foha ʻo e tangata, naʻe ʻi ai ha ongo fefine ko e ongo tama ʻa ha fefine pē ʻe taha.+ 3 Naʻá na hoko ko e ongo feʻauaki ʻi ʻIsipite;+ naʻá na fai ʻa e feʻauakí talu pē mei heʻena kei finemuí. Naʻe fota ʻa hona huhú ʻi ai, pea naʻe amoamo ʻa hona fatafatá ʻi heʻena kei nofo anga-maʻá. 4 Ko hona hingoá ko ʻŌhola,* ʻa e lahí, pea ko hono tokouá ko ʻOholipa.* Naʻe ʻaʻaku kinaua pea naʻá na fāʻeleʻi ha fānau tangata mo ha fānau fefine. ʻI he fekauʻaki mo hona hingoá, ko ʻŌholá ko Samēlia+ ia, pea ko ʻOholipá ko Selusalema ia.

5 “Naʻe kamata ke faifeʻauaki+ ʻa ʻŌhola lolotonga naʻe ʻaʻaku iá. Naʻá ne holi ki hono ngaahi ʻofaʻanga mamaé,+ ʻa hono ngaahi kaungāʻapi ko e kau ʻAsīliá.+ 6 Ko e kau kōvana kinautolu naʻa nau teunga lanu pulū pea mo e kau tokoni pule—ko e kau talavou matātangata hono kotoa naʻa nau heka ʻi heʻenau fanga hoosi. 7 Naʻe hokohoko atu ʻene faifeʻauaki mo e ngaahi foha mahuʻinga taha kotoa ʻo ʻAsīliá, pea naʻá ne ʻuliʻi ʻa ia tonu+ ʻaki ʻa e ngaahi ʻaitoli fakalielia* ʻa e faʻahinga naʻá ne holi ki aí. 8 Naʻe ʻikai te ne tuku ʻa ʻene feʻauaki naʻe fai ʻi ʻIsipité, he ʻi heʻene kei finemuí naʻa nau mohe* mo ia, pea naʻa nau amoamo ʻa hono fatafatá ʻi heʻene kei nofo anga-maʻá pea naʻa nau fakahaaʻi tavale atu ʻa ʻenau holí kiate ia.*+ 9 Ko ia naʻá ku tuku atu ia ki he nima ʻo hono ngaahi ʻofaʻanga mamaé, ʻa e ngaahi foha ʻo ʻAsīliá,+ ʻa ia naʻá ne holi ki aí. 10 Naʻa nau fakaeʻa atu ʻa ʻene telefuá+ pea nau faʻao ʻa ʻene fānau tangatá mo e fānau fefiné,+ pea naʻa nau tāmateʻi ia ʻaki ha heletā. Naʻá ne ʻiloa he koví ʻi he lotolotonga ʻo e kau fefiné, pea naʻa nau fakahoko ha fakamaau kiate ia.

11 “ʻI he sio ki ai ʻa hono tokoua ko ʻOholipá, naʻe hoko ai ʻo toe pango ange ʻa ʻene holí, pea naʻe toe kovi ange ʻa ʻene feʻauaki ʻaʻaná ʻi hono tokouá.+ 12 Naʻá ne holi ki hono kaungāʻapi ko e ngaahi foha ʻo ʻAsīliá,+ ʻa e kau kōvana mo e kau tokoni pule ʻa ia naʻa nau tui ha teunga lāngilangiʻia pea heka ʻi he fanga hoosi—ko e kau talavou matātangata hono kotoa. 13 ʻI heʻene ʻuliʻi iá, naʻá ku vakai ko kinauá fakatouʻosi naʻá na muimui ʻi he ʻalunga tatau.+ 14 Ka naʻá ne hanganaki fakalahi ʻa ʻene faifeʻauakí. Naʻá ne sio ki ha kakai tangata naʻe tongi honau ʻīmisí ʻi he holisí, ko e ʻīmisi kuo tongi ʻo e kau Kalitia pea naʻe vali lanu kulokula, 15 naʻa nau noʻo ha leta ʻi honau kongalotó, pea tui ha ngaahi faʻufaʻu lalahi ʻi honau ʻulú, pea nau hā mai ko e kau tangata tau, ʻo nau hangē kotoa mai ha kau Pāpilone, kuo fanauʻi ʻi he fonua ʻo e kau Kalitiá. 16 Naʻe kamata ke ne holi kiate kinautolu ʻi heʻene sio pē ki aí, pea naʻá ne tuku atu ha kau talafekau ki Kalitia+ kiate kinautolu. 17 Ko ia ko e ngaahi foha ʻo Pāpiloné naʻa nau hanganaki haʻu ke mohe mo ia, pea naʻa nau ʻuliʻi ia ʻaki ʻenau holí.* ʻI he hili ʻenau ʻuliʻi iá, naʻá ne tafoki meiate kinautolu ʻi he fakaliliʻa.

18 “ʻI he hoko atu ʻene faifeʻauaki taʻemīngaó mo fakaeʻa ʻa ʻene telefuá,+ naʻá ku tafoki meiate ia ʻi he fakaliliʻa, hangē pē ko ʻeku tafoki mei hono tokouá ʻi he fakaliliʻá.+ 19 Pea naʻe fakautuutu ai pē ʻa ʻene feʻauakí,+ ʻo ne manatu ki he ngaahi ʻaho ʻo ʻene finemuí ʻi heʻene faifeʻauaki ʻi he fonua ko ʻIsipité.+ 20 Naʻá ne holi kiate kinautolu ʻo hangē ko e kau sinifu ʻa ha kau tangata ʻa ia ko honau fakatangatá ʻoku hangē ko ia ʻoku maʻu ʻe ha ʻasí pea ko honau ʻōkani fakafanaú ʻoku hangē ko ia ʻoku maʻu ʻe ha hōsí. 21 Naʻá ke fakaʻamu ki he tōʻonga fakalielia naʻá ke fai ʻi ʻIsipite+ ʻi hoʻo kei finemuí ʻi heʻenau amoamo ho fatafatá, ʻa e ongo huhu ʻo hoʻo kei finemuí.+

22 “Ko ia ai, ʻe ʻOholipa, ko e meʻa eni ʻoku folofolaʻaki ʻe he ʻEiki Hau ko Sihová: ‘Ko eni ʻoku ou ueʻi ho ngaahi ʻofaʻanga+ ʻa ia naʻá ke tafoki mei ai ʻi he fakaliliʻá, pea te u ʻomi kinautolu kiate koe mei he tapa kotoa pē,+ 23 ko e ngaahi foha ʻo Pāpilone+ mo e kotoa ʻo e kau Kalitiá,+ ko e kau tangata ʻo Pēkoti+ mo Sihoa mo Koā, fakataha mo e ngaahi foha kotoa ʻo ʻAsīliá. Ko e kotoa ʻo kinautolú ko e kau talavou matātangata, ko e kau kōvana mo e kau tokoni pule, ko e kau tangata tau pea mo e faʻahinga naʻe filifili,* naʻa nau heka kotoa ʻi he fanga hoosi. 24 Te nau ʻohofi koe ʻaki ha ngaahi saliote tau ʻoku ʻuʻulu mo ha ngaahi veʻeteka fakataha mo ha fuʻu kau tau fakatahataha, mo e pā lahi mo e fanga kiʻi pā* pea mo e tatā. Te nau tuʻu takatakai ʻiate koe, pea te u fakamafaiʻi kinautolu ke nau fai ha fakamaau, pea te nau fakamāuʻi koe ʻo fakatatau ki heʻenau fiemaʻú.+ 25 Te u fakahaaʻi ʻa ʻeku ʻitá kiate koe, pea te nau fai ha meʻa kiate koe ʻi heʻenau tōlilí. Te nau tuʻusi ho ihú mo ho telingá, pea ko e faʻahinga ʻe toe ʻiate koé te nau tō ʻi he heletaá. Te nau ʻave hoʻo fānau tangatá mo hoʻo fānau fefiné, pea ko e faʻahinga ʻe toe ʻiate koé ʻe keina kinautolu ʻe he afí.+ 26 Te nau hae ho ngaahi kofú+ pea faʻao hoʻo siueli*+ fakaʻofoʻofá. 27 Te u fakangata ʻa hoʻo tōʻonga fakalieliá mo hoʻo feʻauakí,+ ʻa ia naʻe kamata ʻi he fonua ko ʻIsipité.+ Heʻikai te ke toe sio kiate kinautolu, pea ʻe ʻikai te ke toe manatuʻi ʻa ʻIsipite.’

28 “He ko e meʻa eni ʻoku folofolaʻaki ʻe he ʻEiki Hau ko Sihová: ‘Ko eni ʻoku ʻamanaki ke u tuku atu koe ki he faʻahinga ʻokú ke fehiʻa aí, ʻa e faʻahinga naʻá ke tafoki mei ai ʻi he fakaliliʻá.+ 29 Te nau fai ha meʻa kiate koe ʻi he fehiʻa pea te nau ʻave ʻa e meʻa kotoa naʻá ke ngāue mālohi ke maʻú+ peá ke nofo ai kuó ke mātuʻaki telefua. Ko e fakamā ʻo hoʻo telefua ʻi hoʻo ʻulungaanga taʻetāú mo hoʻo tōʻonga fakalieliá mo hoʻo feʻauakí ʻe fakaeʻa.+ 30 ʻE fai ʻa e ngaahi meʻá ni kiate koe koeʻuhí ko hoʻo tulimui ki he ngaahi puleʻangá ʻo hangē ha feʻauakí,+ koeʻuhí ko hoʻo ʻuliʻi koe ʻaki ʻenau ngaahi ʻaitoli fakalieliá.+ 31 Kuó ke muimui ʻi he ʻalunga tatau mo ho tokouá,+ pea te u tuku atu ʻa ʻene ipú ki ho nimá.’+

32 “Ko e meʻa eni ʻoku folofolaʻaki ʻe he ʻEiki Hau ko Sihová:

“He ko au kuó u leá,” ko e fakahaaʻi ia ʻe he ʻEiki Hau ko Sihová.’

35 “Ko ia ai, ko e meʻa eni ʻoku folofolaʻaki ʻe he ʻEiki Hau ko Sihová: ‘Koeʻuhí kuó ke fakangaloʻi au pea kuó ke mātuʻaki taʻetokaʻi au,*+ te ke fua ʻa e ngaahi nunuʻa ʻo hoʻo tōʻonga fakalieliá mo hoʻo faifeʻauakí.’”

36 Naʻe folofola mai leva ʻa Sihova kiate au: “Foha ʻo e tangata, te ke fanongonongo ha fakamaau kia ʻŌhola mo ʻOholipa+ peá ke fakahaaʻi tonu kiate kinaua ʻa ʻena ngaahi tōʻonga fakalieliá? 37 Kuó na fai ʻa e tono,*+ pea ʻoku pani toto ʻa hona nimá. Kuo ʻikai ngata pē ʻi heʻena fai ʻa e tono mo ʻena ngaahi ʻaitoli fakalieliá, ka kuó na ʻai foki ʻena fānau tangata naʻá na fanauʻi kiate aú ke nau fou atu ʻi he afí* ko e meʻakai ki heʻena ngaahi ʻaitolí.+ 38 ʻIkai ngata aí, ko e meʻa eni kuó na fai mai kiate aú: Naʻá na ʻuliʻi ʻa hoku feituʻu toputapú ʻi he ʻaho ko iá, pea naʻá na maumauʻi ʻa ʻeku ngaahi Sāpaté. 39 ʻI he hili ʻena tāmateʻi ʻa ʻena fānau tangatá ko e ngaahi feilaulau ki heʻena ngaahi ʻaitoli fakalieliá,+ naʻá na hū ki hoku feituʻu toputapú ke taʻefakaʻapaʻapaʻi ia+ ʻi he ʻaho tofu pē ko iá. Ko e meʻa ia naʻá na fai ʻi hoku loto falé tonu. 40 Naʻe aʻu ʻo na tuku atu ha talafekau ke ʻomi ha kau tangata mei he mamaʻó.+ ʻI heʻenau omí, naʻá ke kaukau pea vali ho matá mo ʻai ʻa hoʻo ngaahi meʻa-teuteú.+ 41 Pea naʻá ke tangutu hifo ʻi ha sea fakaʻofoʻofa+ pea naʻe fokotuʻu ha tēpile ʻi muʻa ai,+ ʻa ia naʻá ke hili ai ʻa ʻeku ʻinisēnisí+ mo ʻeku loló.+ 42 Naʻe ongona ai ʻa e leʻo ʻo e fuʻu kau tangata tuli ki he mālié, ʻa ia naʻe ʻi honau lotolotongá ha kau konā naʻe ʻomi mei he toafá. Naʻa nau fakatui ha ngaahi vesa ʻi he nima ʻo e ongo fefiné mo ha ngaahi kalauni fakaʻofoʻofa ʻi hona ʻulú.

43 “Pea naʻá ku lea ʻo fekauʻaki mo ia naʻá ne ongosia ʻi he tonó: ‘Ko eni ʻe hokohoko atu ʻa ʻene faifeʻauakí.’ 44 Ko ia naʻa nau hanganaki ʻalu atu kiate ia, ʻo hangē ko e ʻalu ʻa ha taha ki ha tokotaha feʻauakí. Naʻe pehē ʻa ʻenau ʻalu atu kia ʻŌhola mo ʻOholipá, ʻa e ongo fefine naʻá na fai ʻa e tōʻonga fakalieliá. 45 Ka ko e kau tangata māʻoniʻoní te nau fai kiate ia ʻa e fakamaau ʻoku tuha mo ʻene tonó+ pea mo ʻene lingitotó;+ he ko e ongo fefine tono tangata kinaua, pea ʻoku pani toto ʻa hona nimá.+

46 “He ko e meʻa eni ʻoku folofolaʻaki ʻe he ʻEiki Hau ko Sihová: ‘ʻE ʻomi kiate kinaua ha kau tau ke ʻai kinaua ko ha meʻa ke fai ai ʻa e fakalilifuʻia pea ʻe ʻave fakamālohi ʻa ʻena ngaʻotoʻotá.+ 47 ʻE tolomakaʻi kinaua ʻe he kau taú+ pea tuʻusi kinaua ʻaki ʻenau heletaá. Te nau tāmateʻi ʻa ʻena fānau tangatá mo ʻena fānau fefiné+ pea tutu hona ngaahi falé ʻaki ʻa e afi.+ 48 Te u fakangata ʻa e tōʻonga fakalielia ʻi he fonuá, pea ko e kotoa ʻo e kau fefiné te nau ako mei ai ha lēsoni pea ʻe ʻikai te nau faʻifaʻitaki ki hoʻomo tōʻonga fakalieliá.+ 49 Te nau ʻomi kiate kimoua ʻa e ngaahi nunuʻa ʻo hoʻomo tōʻonga fakalieliá mo hoʻomo ngaahi faiangahala mo hoʻomo ngaahi ʻaitoli fakalieliá; pea kuo pau ke mo ʻilo ai ko au ʻa e ʻEiki Hau ko Sihová.’”+