113 Mou fakahīkihikiʻi ʻa Iā!
Fai ha fakahīkihiki, ʻa kimoutolu ʻa e kau sevāniti ʻa Sihová,
Fakahīkihikiʻi ʻa e huafa ʻo Sihová.
2 ʻOfa ke fakahīkihikiʻi ʻa e huafa ʻo Sihová
Mei he taimí ni ʻo taʻengata.+
3 Mei he hopo ʻa e laʻaá ki heʻene toó,
Tuku ke fakahīkihikiʻi ʻa e huafa ʻo Sihová.+
4 ʻOku māʻolunga ʻa Sihova ʻi he ngaahi puleʻangá kotoa;+
Ko hono lāngilangí ʻoku māʻolunga ʻi he langí.+
5 Ko hai ʻoku tatau mo Sihova ko hotau ʻOtuá,+
ʻA e tokotaha ʻoku ʻafio ʻi he taukakapá?
6 ʻOkú ne punou hifo ke vakai ki he langí mo e māmaní,+
7 ʻO ne hiki hake ʻa e māʻulaló mei he efú.
ʻOkú ne fokotuʻu hake ʻa e masivá mei he fokotuʻunga efuefú+
8 Koeʻuhí ke ʻai ia ke ne nofo fakataha mo e kau houʻeikí,
Fakataha mo e kau houʻeiki ʻo hono kakaí.
9 ʻOkú ne foaki ki he fefine paʻá ha ʻapi
Ke ne hoko ko ha faʻē fiefia ʻoku ʻi ai haʻane fānau.+
Mou fakahīkihikiʻi ʻa Iā!