ʻIsikeli

24 Naʻe toe hoko mai ʻa e folofola ʻa Sihová kiate au ʻi he taʻu hono hivá, ʻi he māhina hono hongofulú, ʻi he ʻaho hono hongofulu ʻo e māhiná, ʻo pehē: 2 “Foha ʻo e tangata, tohiʻi ʻa e ʻaho ko ení,* ʻa e ʻaho tofu pē ko ení. Kuo kamata ʻe he tuʻi ʻo Pāpiloné ʻene ʻohofi ʻa Selusalema ʻi he ʻaho tofu pē ko ení.+ 3 Peá ke fai ha lea fakaefakatātā* ʻo fekauʻaki mo e fale angatuʻú, pea lea ʻo fekauʻaki mo kinautolu:

“‘Ko e meʻa eni ʻoku folofolaʻaki ʻe he ʻEiki Hau ko Sihová:

“Tuʻu ʻa e kulo feimeʻakaí;* tuʻu ia ʻi he afí pea lingi ki ai ha vai.+

 5 Toʻo ʻa e sipi lelei taha ʻo e tākangá,+ pea fokotuʻu takai ʻa e ngaahi kupuʻi ʻakaú ʻi he lalo kuló.

Haka ʻa e ngaahi konga kanomaté, ʻai ke moho ʻa e ngaahi hui ʻi lotó.”’

6 “Ko ia ai, ko e meʻa eni ʻoku folofolaʻaki ʻe he ʻEiki Hau ko Sihová:

‘ʻOiauē ʻa e kolo lingitotó,+ ʻa e kulo feimeʻakai ʻumeʻumeá, ʻa ia kuo ʻikai ke matanga ʻa hono ʻumeʻumeá!

Toʻo mei ai ʻa e konga kanomate taki taha;+ ʻoua ʻe fai ha lulu ki ai.

 7 He ko e toto naʻe lilingi ʻe he koló ni ʻoku kei ʻi loto pē ai;+ naʻá ne huaʻi ia ki he funga maka ʻoku tekelei.

Naʻe ʻikai te ne lilingi ia ki he kelekelé, ke ʻufiʻufiʻaki ʻa e efú.+

9 “Ko ia ai, ko e meʻa eni ʻoku folofolaʻaki ʻe he ʻEiki Hau ko Sihová:

‘ʻOiauē ʻa e kolo lingitotó!+

Te u fokotuʻu ʻa e fefié ke māʻolunga.

ʻE vaia atu ai ʻa e ʻuli ʻoku ʻi loto aí,+ pea ʻe keina ai ʻa hono ʻumeʻumeá.

Lī ia ki he afí fakataha mo hono ʻumeʻumeá!’

13 “‘Ko hoʻo taʻemaʻá naʻe tupu ia mei hoʻo tōʻonga fakalieliá.+ Naʻá ku feinga ke fakamaʻa koe, ka naʻe ʻikai te ke hoko ʻo maʻa mei hoʻo taʻemaʻá. Heʻikai te ke hoko ʻo maʻa kae ʻoua kuo lolou ʻa ʻeku ʻita kiate koé.+ 14 Ko au, Sihova tonu, kuó u leá. ʻE hoko ia. Te u fai ha meʻa ʻo ʻikai ha momou, ʻikai ha fakaʻofaʻia, ʻikai ha fakaʻiseʻisa.+ Te nau fakamāuʻi koe ʻo fakatatau ki ho ngaahi ʻalungá pea mo hoʻo meʻa ʻoku faí,’ ko e fakahaaʻi ia ʻe he ʻEiki Hau ko Sihová.”

15 Pea naʻe toe hoko mai ʻa e folofola ʻa Sihová kiate au, ʻo pehē: 16 “Foha ʻo e tangata, ko au eni ʻoku ʻamanaki ke u fai ha foʻi tā ʻe taha ke toʻo ai meiate koe ʻa e tokotaha ʻokú ke ʻofa aí.+ Heʻikai te ke fai ha fakamamahi;* pea heʻikai te ke tangi pe tō hao loʻimata. 17 Toʻe fakalongolongo pē, pea ʻoua te ke tauhi ʻa e ngaahi ouau fakamamahi ki he kau maté.+ Haʻi ho faʻufaʻú,+ pea tui ho senitoló.+ Heʻikai te ke ʻufiʻufi ho kavá,*+ pea ʻoua te ke kai ʻa e mā kuo ʻomi kiate koe ʻe he niʻihi kehé.”*+

18 Pea naʻá ku lea ki he kakaí ʻi he pongipongí, pea mate hoku uaifí ʻi he efiafí. Ko ia naʻá ku fai ʻi he pongipongi ʻe tahá ʻa e meʻa tofu pē ko ia naʻe tuʻutuʻuni mai kiate aú. 19 Naʻe pehē mai ʻe he kakaí kiate au: “Heʻikai koā te ke tala mai kiate kimautolu ʻa hono kaunga kiate kimautolu ʻa e ngaahi meʻa ko eni ʻokú ke faí?” 20 Naʻá ku tali ange kiate kinautolu: “Kuo hoko mai ʻa e folofola ʻa Sihová kiate au, ʻo pehē, 21 ‘Tala ki he fale ʻo ʻIsilelí: “Ko e meʻa eni ʻoku folofolaʻaki ʻe he ʻEiki Hau ko Sihová, ‘ʻOku teu eni ke u taʻefakaʻapaʻapaʻi ʻa hoku feituʻu toputapú,+ ʻa e tupuʻanga ʻo hoʻomou fuʻu pōlepolé, ʻa e meʻa ʻoku mou ʻofa aí pea holi ki ai homou lotó. Ko homou ngaahi foha mo homou ngaahi ʻofefine tonu ʻa ia naʻa mou tuku hení te nau tō ʻi he heletā.+ 22 Pea kuo pau ke mou fai ʻa e meʻa tofu pē kuó u faí. Heʻikai te mou ʻufiʻufi homou kavá, pea heʻikai te mou kai ʻa e mā kuo ʻomi kiate kimoutolu ʻe he niʻihi kehé.+ 23 Te mou ʻai ki homou ʻulú ʻa homou faʻufaʻú mo homou senitoló ki homou vaʻé. Heʻikai te mou fai ha fakamamahi pe tangi. ʻI hono kehé, te mou ʻauha ʻi hoʻomou faihalá,+ pea te mou fetoʻeaki. 24 Kuo hoko ʻa ʻIsikeli ko ha fakaʻilonga kiate kimoutolu.+ Hangē tofu pē ko e meʻa kuó ne faí, te mou fai pehē. ʻI he hoko ʻa e meʻa ko iá, kuo pau ke mou ʻilo ai ko au ʻa e ʻEiki Hau ko Sihová.’”’”

25 “Pea ko koe, foha ʻo e tangata, ʻi he ʻaho ko ia te u toʻo ai meiate kinautolu honau kolotaú—ʻa e meʻa fakaʻofoʻofa ʻoku nau fiefia aí, ʻa e meʻa ʻoku nau ʻofa aí, ʻa ia ʻoku holi ki ai honau lotó—fakataha mo honau ngaahi fohá mo honau ngaahi ʻofefiné,+ 26 ʻe fakamatala mai ia kiate koe ʻe ha tokotaha kuo hao mai.+ 27 ʻI he ʻaho ko iá te ke fakaava ho ngutú peá ke lea ki he tokotaha naʻe hao maí, pea ʻe ʻikai te ke kei noa.+ Te ke hoko ko ha fakaʻilonga kiate kinautolu, pea kuo pau ke nau ʻilo ko Sihova au.”