Saame

1 Fiefia ē ka ko e tangata ʻoku ʻikai te ne ʻaʻeva ʻo fakatatau ki he faleʻi ʻa e kau fulikivanú

Pea ʻoku ʻikai te ne tuʻu ʻi he hala ʻo e kau angahalá+

Pea ʻoku ʻikai te ne nofo ʻi he nofoʻanga ʻo e kau manukí.+

 2 Ka ko ʻene fiefiá ʻoku ʻi he lao ʻa Sihová,+

Pea ʻokú ne lau leʻo-siʻi ʻa ʻEne laó* ʻi he ʻaho mo e pō.+

 3 Te ne hangē ha fuʻu ʻakau ʻoku tō ʻi ha veʻe vaitafé,

Ha fuʻu ʻakau ʻoku fua ʻi hono faʻahitaʻú,

Ko hono laú ʻoku ʻikai mae.

 4 ʻOku ʻikai ke pehē ʻa e kau fulikivanú ia;

ʻOku nau hangē ko e kafukafu ʻoku puhiʻi atu ʻe he matangí.

 5 Ko e ʻuhinga ia ʻe ʻikai ke kei tuʻu ai ʻa e kau fulikivanú ʻi he fakamāú;+

Pe kei tuʻu ʻa e kau angahalá ʻi he fakataha ʻa e kau māʻoniʻoní.+

 6 He ʻoku ʻafioʻi ʻe Sihova ʻa e ʻalunga ʻo e māʻoniʻoní,+

Ka ko e ʻalunga ʻo e kau fulikivanú ʻe ʻauha.+