ʻIsikeli

29 ʻI he taʻu hono hongofulú, ʻi he māhina hono hongofulú, ʻi he ʻaho hono 12 ʻo e māhiná, naʻe hoko mai ai kiate au ʻa e folofola ʻa Sihová, ʻo pehē: 2 “Foha ʻo e tangata, hanga atu kia Felo ko e tuʻi ʻo ʻIsipité, peá ke kikite ʻo fekauʻaki mo ia pea mo ʻIsipite kotoa.+ 3 Te ke leaʻaki ʻa e ngaahi leá ni: ‘Ko e meʻa eni ʻoku folofolaʻaki ʻe he ʻEiki Hau ko Sihová:

Naʻá ku ngaohi ia maʻaku.’+

 4 Ka te u ʻai ʻa e ngaahi mātaʻu ki ho kaungaó pea ʻai ʻa e fanga ika ʻi hoʻo Vaitafe Nailá ke nau pipiki ki ho ʻunó.

Te u ʻohake koe mei hoʻo Vaitafe Nailá fakataha mo e fanga ika kotoa ʻo Naila ʻa ia ʻoku nau pipiki ki ho ʻunó.

 5 Te u liʻaki koe ʻi he toafá, ʻa koe mo e fanga ika kotoa ʻi hoʻo Vaitafe Nailá.

Te ke tō ʻi he manafá, pea heʻikai ke toe fakatahatahaʻi mai koe pe toe tānaki mai.+

Te u ʻoatu koe ko ha meʻakai ʻa e fanga manu fekai ʻo e māmaní mo e fanga manupuna ʻo e langí.+

8 “‘Ko ia ai, ko e meʻa eni ʻoku folofolaʻaki ʻe he ʻEiki Hau ko Sihová: “Ko eni ʻoku ou ʻomi ha heletā kiate koe,+ pea te u tuʻusi meiate koe fakatouʻosi ʻa e tangata mo e manu. 9 ʻE hoko ʻa e fonua ko ʻIsipité ko ha feituʻu maomaonganoa mo lala;+ pea kuo pau ke nau ʻilo ko Sihova au, he kuó ke* pehē, ‘ʻOku ʻaʻaku ʻa e Vaitafe Nailá; ko au naʻá ku ngaohi iá.’+ 10 Ko ia kuó u hoko ko ho fili pea mo hoʻo Vaitafe Nailá, pea te u ʻai ʻa e fonua ko ʻIsipité ke maomaonganoa mo mōmoa,+ ko ha potu lala, mei Mikitoli+ ki Suene+ ʻo aʻu atu ki he kauʻāfonua ʻo ʻItiopeá. 11 Heʻikai ke laka atu+ ai ha tangata pe ko ha manu, pea heʻikai ke nofoʻi ia ʻi he taʻu ʻe 40. 12 Te u ʻai ʻa e fonua ko ʻIsipité ko e fonua maomaonganoa taha ia ʻi he ngaahi fonuá, pea ʻe hoko hono ngaahi koló ko e kolo maomaonganoa taha ia ʻi he ngaahi koló ʻi he taʻu ʻe 40;+ pea te u fakamovetevete ʻa e kau ʻIsipité ʻi he lotolotonga ʻo e ngaahi puleʻangá pea ʻai ke nau mafola atu ʻi he lotolotonga ʻo e ngaahi fonuá.”+

13 “‘He ko e meʻa eni ʻoku folofolaʻaki ʻe he ʻEiki Hau ko Sihová: “ʻI he hili ʻa e taʻu ʻe 40 te u toe fakatahatahaʻi mai ʻa e kau ʻIsipité mei he ngaahi kakai naʻe fakamovetevete atu kinautolu ki aí;+ 14 Te u toe fakafoki mai ʻa e kau pōpula ʻIsipité ki he fonua ko Patalosí,+ ki honau fonua tupuʻangá, pea te nau hoko ai ko ha puleʻanga ʻoku ʻikai loko mahuʻinga. 15 ʻE hoko ʻa ʻIsipite ʻo māʻulalo hifo ia ʻi he ngaahi puleʻanga kehé pea heʻikai te ne kei puleʻi ʻa e ngaahi puleʻanga kehé,+ pea te u ʻai kinautolu ke nau mātuʻaki siʻisiʻi ke ʻoua naʻa nau malava ʻo fakamoʻulaloaʻi ʻa e ngaahi puleʻanga kehé.+ 16 Heʻikai ʻaupito te ne toe hoko ko ha falalaʻanga ʻo e fale ʻo ʻIsilelí,+ ka te ne fakamanatu pē kiate kinautolu ʻa ʻenau faihala ʻi heʻenau hanga ki he kau ʻIsipité ki ha tokoní. Pea kuo pau ke nau ʻilo ai ko au ʻa e ʻEiki Hau ko Sihová.”’”

17 Pea ʻi he taʻu hono 27, ʻi he ʻuluaki māhiná, ʻi he ʻuluaki ʻaho ʻo e māhiná, naʻe hoko mai ai ʻa e folofola ʻa Sihová kiate au, ʻo pehē: 18 “Foha ʻo e tangata, naʻe ʻai ʻe Tuʻi Nepukanesa*+ ʻo Pāpiloné ʻa ʻene kau taú ke nau ʻohofi ʻa Tāia.+ Naʻe hoko ai ʻa e foʻi ʻulu kotoa pē ʻo tula, pea naʻe mamulumulu ai ʻa e uma kotoa pē. Ka ko ia mo ʻene kau taú naʻe ʻikai te nau maʻu ha totongi ki he ngāue naʻá ne fakahoko ki Tāiá.

19 “Ko ia ai, ko e meʻa eni ʻoku folofolaʻaki ʻe he ʻEiki Hau ko Sihová, ‘Ko eni ʻoku ou foaki ʻa e fonua ko ʻIsipité kia Tuʻi Nepukanesa* ʻo Pāpiloné,+ pea te ne ʻave ʻa ʻene koloá pea toʻo ʻa e koloa vete lahi mei ai; pea ʻe hoko ia ko e totongi ki heʻene kau taú.’

20 “‘Ke hoko ko ha totongi fakafoki ki heʻene ngāue naʻe fai ki aí,* te u foaki kiate ia ʻa e fonua ko ʻIsipité koeʻuhí naʻa nau fai ʻa e ngāue maʻaku,’+ ko e fakahaaʻi ia ʻe he ʻEiki Hau ko Sihová.

21 “ʻI he ʻaho ko iá te u ʻai ke tupu hake ha meʻatui maʻá e fale ʻo ʻIsilelí,*+ pea te u ʻoatu kiate koe ha faingamālie ke lea ʻi honau lotolotongá; pea kuo pau ke nau ʻilo ko Sihova au.”