Saame

143 ʻE Sihova, fanongo mai muʻa ki heʻeku lotú;+

Fanongo mai ki heʻeku tautapa atu ki ha tokoní.

 2 ʻOua naʻá ke fakahoko ha fakamaau ki hoʻo sevānití,

He ʻi ho ʻaó ʻoku ʻikai lava ke māʻoniʻoni ai ha taha moʻui.+

 3 He ʻoku tuli au ʻe he filí;

Kuó ne laiki ʻa ʻeku moʻuí ki he kelekelé.

 4 ʻOku vaivai ʻa hoku laumālié;*+

ʻOku ongonoa ʻa hoku lotó ʻi loto ʻiate au.+

 5 ʻOku ou manatu ki he ngaahi ʻaho he kuohilí;

ʻOku ou fakalaulauloto ki hoʻo ngāué kotoa;+

ʻOku ou fakakaukauloto vēkeveke* ki he ngāue ʻa ho nimá.

 6 ʻOku ou fola nima hake kiate koe;

ʻOku ou hangē ha fonua pakukā ʻoku fieinua kiate koé.+ (Sila)

 7 Fai mai muʻa ha tali vave kiate au, ʻe Sihova;+

Kuo ngata ʻa hoku mālohí.*+

ʻOua naʻa fufū ho fofongá meiate au,+

He te u hangē ai ko e faʻahinga ʻoku ʻalu hifo ki he luó.*+

 8 Tuku ke u fanongo ki hoʻo ʻofa mateakí ʻi he pongipongí,

He ʻoku ou falala atu kiate koe.

Fakaʻilo mai kiate au ʻa e hala ʻoku totonu ke u fou aí,+

He ʻoku ou hanga atu kiate koe.

10 Akoʻi au ke u fai ho finangaló,+

He ko koe ʻa hoku ʻOtuá.

Ko ho laumālié ʻoku lelei;

ʻOfa ke ne taki au ʻi he kelekele tokaleleí.*

12 ʻI hoʻo ʻofa mateakí, fakangata* muʻa ʻa hoku ngaahi filí;+

Fakaʻauha ʻa kinautolu kotoa ʻoku nau fakahohaʻasi aú,+

He ko hoʻo sevāniti au.+