Malanga Makehe Maʻá e Kakaí

Melino mo e Malu Moʻoní​—ʻAfē?

ʻI he laui afeʻi taʻu, kuo fekumi ai ʻa e tangatá ki he melinó mo e malú. Ka kuo ʻikai lava ke maʻu ʻe he faʻahinga ʻo e tangatá ʻa e melino moʻoní. Ko e hā hono ʻuhingá? ʻOku ʻomai ʻe he Tohi Tapú ʻa e ʻuhinga tefito ʻe ua ʻoku fuʻu faingataʻa ai ke maʻu ʻa e melinó. ʻOku toe ʻi ai ʻa e fakapapau fakalotomāfana ko ení: Kuo palōmesi ʻe he ʻOtuá ki he faʻahinga ʻo e tangatá ʻa e melino mo e malu moʻoni mo tuʻuloa.

ʻE anga-fēfē pea ko ʻafē ʻe hoko moʻoni ai ʻa e melino mo e malu ko ení? Ko e hā ʻoku fiemaʻu ke ke faí koeʻuhi ke maʻu ai ʻa e ngaahi tuʻunga faitāpuekina ko ení? Ko e ongo fehuʻi ko ení ʻe tali ia ʻi he malanga maʻá e kakaí ko e “Melino mo e Malu Moʻoní—ʻAfē?” Ko e malanga ko eni makatuʻunga ʻi he Tohi Tapú ʻe fai ia ʻi māmani lahi ʻi he fonua ʻe 230 tupu. ʻE fakahoko ia ʻi he lahi taha ʻo e ngaahi feituʻú ʻi he Fale Fakatahaʻanga fakalotofonua ʻo e Kau Fakamoʻoni ʻa Sihová ʻi he ʻaho Sāpate ʻo ʻEpeleli 18, 2010. Ko e Kau Fakamoʻoni ʻi ho feituʻú te nau fiefia ke fakahā kiate koe ʻa e taimí mo e feituʻú. ʻOku fakaafeʻi loto-māfana atu koe ke ke haʻu ki ai.