Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi Fepueli 28, 2005. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Sanuali 3 ki Fepueli 28, 2005. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻE lava fēfē ke tau ʻai ʻetau leá ke toe mahinongofua ange? [be p. 226 pal. 1–p. 227 pal. 1]
2. Ko e hā ʻa e faʻahinga kupuʻi lea ʻe fiemaʻu nai ki ai ha fakamatala lahi angé? [be p. 227 pal. 2–p. 228 pal. 1]
3. Ko e hā ʻa e founga te ne tokoniʻi kitautolu ke fakahoko ai ʻa e fakamatalá ʻi ha founga ʻa ia ʻoku fakatupu-ʻilo moʻoni ki heʻetau kau fanongó? [be p. 231 pal. 1-3]
4. ʻE lava fēfē ke tau ʻai ha lau ʻo ha konga Tohi Tapu anga-maheni ke fakatupu-ʻilo ki heʻetau kau fanongó? [be p. 231 pal. 4-5]
5. Ko e hā nai ʻa e ola ʻo hono fakalototoʻaʻi ʻetau kau fanongó ke tokangataha ki ha ngaahi fakaikiiki ʻi ha fakamatala Fakatohitapu anga-maheni? [be p. 232 pal. 2-4]
KONGA FIKA 1
6. Ko e hā ʻoku kau ʻi hono akoʻi ʻa e kakaí ke “manavahe ki he Otua [moʻoní], bea ke fai ki he ene gaahi fekau”? (Koh. 12:13, PM) [be p. 272 pal. 3–p. 273 pal. 1]
7. ʻE lava fēfē ke tau fakahanga ʻa e tokangá ʻo ʻikai ki he huafa pē ʻo Sihová ka ki he faʻahinga tokotaha ko e ʻOtuá? (Sioeli 2:32) [be p. 274 pal. 3-5]
8. ʻOku mahuʻinga fēfē ke maʻu ʻa e ʻilo fekauʻaki mo Sīsū pea ke faifakamoʻoni kiate iá? (Sione 17:3) [be p. 275 pal. 7]
9. ʻOku anga-fēfē ʻa e fehokotaki hangatonu ki hono mahinoʻi ʻa e ngafa ʻo Sīsuú ʻa hono maʻu ha vahaʻangatae fakahōifua mo e ʻOtuá mo hano mahinoʻi ʻa e Tohi Tapú? [be p. 276 pal. 1]
10. ʻE lava fēfē ke tau fakahāhā ʻoku tau tui moʻoni ʻoku Tuʻi ʻa Sīsū Kalaisi? [be p. 277 pal. 4]
LAU TOHI TAPU FAKAUIKE
11. Ko e tamai ʻa ʻĒpalahamé, ʻa Tela, ko ha tokotaha lotu ia ki he ngaahi ʻaitolí? (Sios. 24:2)
12. Naʻe loto-siʻi ʻa Kitione ke fakahoko ʻa e ngāue naʻe ʻoange ʻe Sihova kiate iá? Ko e hā ʻa e makatuʻunga ki hoʻo talí? (Fkm. 6:25-27)
13. Ko e hā ʻe lava ke tau ako mei he founga naʻe lea ʻaki ʻe Kitione ki he matakali ʻo ʻIfalemí? (Fkm. 8:1-3)
14. Ko e hā naʻe fakahaaʻi ʻe he taʻeloto ʻa e kakai ʻo Kīpeá ke fakaaʻu atu ʻa e anga-talitali kakaí? (Fkm. 19:14, 15)
15. Kapau ‘naʻe fai ʻa e tokotaha taki taha ki hono lotó,’ naʻe pouaki ʻe he meʻá ni ʻa e moveuveu? (Fkm. 21:25)