“ʻIlonga ʻA Ia ʻOku Loto ke Hoko ko e Lahi ʻi Homou Lotolotongá Kuo Pau Ke Ne Hoko ko Hoʻomou Sevāniti”

20:28

Naʻe loto ʻa e kau sikalaipe mo e kau Fālesi loto-pōlepolé ke tokaʻi kinautolu ʻe he niʻihi kehé mo maʻu ha tuʻunga tuʻu-ki-muʻa. (Māt. 23:5-7) Naʻe kehe ʻa Sīsū ia. “Ko e Foha ʻo e tangatá, naʻe ʻikai haʻú ke tauhi fakasevāniti ki ai, ka ke ngāue fakasevāniti.” (Māt. 20:28) ʻOku fakahangataha ʻetau feingá ki he ngaahi tafaʻaki pē ʻo e lotú ʻoku ʻiloʻi mo fakahīkihikiʻi ai kitautolú? Ko e tuʻunga-lahi hangē ko Kalaisí ʻoku tupu ia mei heʻete tokanga ki he lelei ʻa e niʻihi kehé. ʻOku ʻikai ke faʻa fai fakahāhā ʻa e ngāue peheé ia—ko Sihova pē ia ʻokú ne ʻafioʻí. (Māt. 6:1-4) Ko ha sevāniti anga-fakatōkilalo te ne . . .

• kau ʻi hono fakamaʻa mo tauhi ʻa e Fale Fakatahaʻangá

• tamuʻomuʻa ʻi he tokoni ki he kau taʻumotuʻá mo e niʻihi kehé

• tokoni fakapaʻanga ke poupouʻi ʻa e ngaahi meʻa ʻo e Puleʻangá