Maʻu ʻe Mōsese ha Ngāue Makehe

Fakahinohino: Fai ʻa e lautohí ni ʻi ha ngaahi feituʻu lōngonoa. ʻI hoʻo lau ʻa e ngaahi konga Tohi Tapú, sioloto atu ko ha tokotaha koe ʻokú ke tuʻu ai ʻo mamata ʻi he meʻa ʻoku hokó. Sioloto atu ki he meʻa ʻoku hokó. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻa e faʻahinga ʻoku hā ʻi he talanoá. ʻAi e fakamatalá ke hangē pē ha meʻa moʻoní.

Faʻahinga tefitó: Sihova ko e ʻOtuá mo Mōsese

Fakanounou: Fekau ʻe Sihova ʻa Mōsese ke taki atu ʻa e kau ʻIsilelí mei ʻIsipite.

 1 ʻANALAISO ʻA E TUʻUNGÁ.​—LAU ʻA E ʻEKISOTO 3:1-14; 4:1-17.

Fakamatalaʻi ʻa e fōtunga ʻo e fuʻu ʻakau naʻe uló, ʻi hoʻo sioloto atu ki aí.

․․․․․

ʻOkú ke fakakaukauloto atu naʻe fēfē ʻa e fakafeangai ʻa Mōsesé—fakatouʻosi ʻa e anga hono matá mo hono leʻó—ʻi heʻene fanongo ki he ngaahi lea ʻa e ʻOtuá kiate ia, ʻa ia ʻoku hā ʻi he ʻEkisoto 3:4?

․․․․․

Ko e hā ʻa e ngaahi ongoʻi ʻokú ke “fanongo” ki ai ʻi he leʻo ʻo Mōsesé ʻi heʻene fehuʻi kia Sihova, hangē ko ia ʻoku lēkooti ʻi he ʻEkisoto 3:11, 13 mo e 4:1, 10?

․․․․․

 2 FEKUMI LAHI ANGE.

ʻI hono ngāueʻaki ʻa e naunau fekumi ʻokú ke maʻú, kumi ki ha fakamatala lahi ange fekauʻaki mo e kupuʻi lea, “KO AU KO AU AI PE.” (ʻEkisoto 3:14) Ko e hā naʻe leaʻaki ai eni ʻe Sihova ʻi heʻene tali ki he fehuʻi ʻa Mōsese kiate ia ʻo fekauʻaki mo Hono huafá?a

․․․․․

ʻOkú ke fakakaukau, ko e hā naʻe toumoua ai ʻa Mōsese ke fakaofiofi kia Feló? (Tokoni: Lau ʻa e Nōmipa 12:3.)

․․․․․

Ko e hā naʻe veiveiua nai ai ʻa Mōsese ke lea ki hono kaungā-ʻIsilelí?

․․․․․

 3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .

Hehema fakaetangata ke ʻikai ke te loto-falala kiate kitá.

․․․․․

Loto-falala ʻa Sihova kiate koe pea mo hoʻo ngaahi malavá.

․․․․․

KI HA NGĀUE LAHI ANGE.

Ko e hā ʻa e ngaahi tafaʻaki ʻi hoʻo moʻuí ʻoku ʻikai te ke maʻu ai ʻa e loto-falalá?

․․․․․

Ko e hā ʻa e ngaahi founga ʻe lava ke ke hoko ai ʻo ʻaonga kia Sihova ko e ʻOtuá neongo ho ngaahi fakangatangatá?

․․․․․

 4 KO E HĀ ʻA E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?

․․․․․

Ke hiki mo/pe pulusi mai ʻa e kupú ni, ʻalu ki he www.jw.org

[Fakamatala ʻi lalo]