Tokoniʻi Hoʻo Fānaú ke Fakatupulekina ha Tui Taʻeueʻia ki he Tokotaha-Fakatupú

ʻOku fakahaaʻi ʻe he fakatupú ʻa e lāngilangi ʻo Sihová. (Saame 19:1-4; 139:14) Kae kehe, ʻoku pouaki ʻe he māmani ʻo e Tēvoló ʻa e ngaahi fakakaukau ʻoku ʻikai fakalāngilangiʻi ai ʻa e ʻOtuá ʻo fekauʻaki mo e tupuʻanga ʻo e moʻuí. (Loma 1:18-25) ʻE lava fēfē ke ke taʻofi ʻa e ngaahi fakakaukau ko iá mei heʻene faiaka ʻi he ʻatamai mo e loto ʻa hoʻo fānaú? Tokoniʻi kinautolu mei heʻenau kei siʻí ke fakatupulekina ʻa e tui ʻoku ʻi ai ʻa Sihova pea ʻokú ne tokanga mai fekauʻaki mo kinautolu fakafoʻituitui. (2 Kol. 10:4, 5; ʻEf. 6:16) Feinga ke ʻiloʻi ʻenau ngaahi fakakaukau lotoloto taha ʻo fekauʻaki mo e meʻa ʻoku akoʻi kiate kinautolu ʻi he ʻapiakó, pea ngāueʻaki ʻa e ngaahi meʻangāue lahi ʻoku ala maʻú ke aʻu ki honau lotó.—Pal. 20:5; Sēm. 1:19.

SIO ʻI HE VITIŌ MEʻA ʻOKU LEAʻAKI ʻE HO TOʻUMEʻÁ—TUI KI HE ʻOTUÁ, PEA LĀULEA KI HE NGAAHI FEHUʻI KO ENÍ:

• Ko e hā ha talatupuʻa anga-maheni ʻo fekauʻaki mo e tui ki he ʻOtuá?

• Ko e hā ʻoku akoʻi ʻi he ʻapiakó?

• Ko e hā ʻokú ne fakatuipauʻi koe ʻoku ʻi ai ʻa Sihova?

• ʻE anga-fēfē haʻo tokoniʻi ha taha ke fakaʻuhinga ko e ʻOtuá naʻá ne fakatupu ʻa e meʻa kotoa pē?