Fakamatala ‘i Lalo

b ʻI he faai mai ʻa e taimí, naʻe hā ai kapau naʻe ʻikai lava ke kātoangaʻi ʻa e ʻaho fāʻeleʻi mahuʻinga lahi taha naʻe hoko maí, ʻoku totonu ke ʻoua te tau kātoangaʻi ha faʻahinga ʻaho fāʻeleʻi pē. Pehē foki, naʻe ʻikai ke kātoangaʻi ʻe he kau ʻIsilelí pea mo e muʻaki kau Kalisitiané ha ngaahi ʻaho fāʻeleʻi. ʻOku lave ʻa e Tohitapú ki he foʻi faiʻaho pē ʻe ua, ko e taha ʻo Felo pea ko e taha ʻo Hēlota ʻAnitipasa. Naʻe fakameleʻi ʻa e ongo kātoangá ni taki taha ʻe ha tāmate. ʻOku ʻikai ke kātoangaʻi ʻe he Kau Fakamoʻoni ʻa Sihová ʻa e ngaahi ʻaho fāʻeleʻí koeʻuhi ko e ngaahi ouaú ni naʻe fakatupunga mei he kau panganí pea ʻoku hehema ai ke fakahīkihikiʻi ʻa e faʻahinga ʻoku fai honau faiʻahó.​—Sēnesi 40:​20-22; Maʻake 6:​21-28.