FEHUʻI 6
Ko e hā naʻe tomuʻa tala ʻe he Tohi Tapú ʻo fekauʻaki mo e Mīsaiá?
KIKITE
“Ko koe, ʻe Pētelihema ʻEfalata, . . . ʻe haʻu meiate koe maʻaku ʻa e tokotaha te ne hoko ko e pule ʻi ʻIsilelí.”
FAKAHOKO
“ʻI he hili hono ʻaloʻi ʻo Sīsū ʻi Pētelihema ʻo Siuteá ʻi he ngaahi ʻaho ʻo Hēlota ko e tuʻí, vakai, naʻe haʻu ki Selusalema ha kau vavalo ki he fetuʻú mei he Hahaké.”
KIKITE
“ʻOku nau vahevahe hoku ngaahi kofú ʻi honau lotolotongá, mo fai ha lulu ki ai.”
FAKAHOKO
“Pea ʻi he hili hono tutuki ʻe he kau sōtiá ʻa Sīsū ki he ʻakaú, naʻa nau toʻo hono ngaahi kofu tuʻá ʻo vahe fā ia . . . Ka ko e kofu ʻi lotó naʻe ʻikai hano hokoʻanga, naʻe lalanga molefua pē mei ʻolunga ki lalo. Ko ia naʻa nau fepehēʻaki: ‘ʻOua te tau hae iá, ka tau fai ha lulu ki ai ke fakapapauʻi pe ko hai ʻe ʻaʻana iá.’”
KIKITE
“ʻOkú ne maluʻi ʻa hono ngaahi huí kotoa; kuo ʻikai fasi ha taha ʻo ia.”
FAKAHOKO
“ʻI he hoko mai kia Sīsuú, naʻa nau sio kinautolu kuó ne ʻosi pekia, ko ia naʻe ʻikai te nau fesiʻi hono ongo vaʻé.”
KIKITE
“Naʻe hokaʻi ia koeʻuhi ko ʻemau laka halá.”
FAKAHOKO
“Ko e taha ʻo e kau sōtiá naʻá ne hokaʻi hono vakavaká ʻaki ha tao, pea naʻe tafe leva mei ai ʻa e toto mo e vai.”
KIKITE
“Naʻa nau totongi mai ʻeku totongí, ko e konga siliva ʻe 30.”
FAKAHOKO
“Pea ko e taha ʻi he toko Hongofulu-mā-uá, ʻa e tokotaha naʻe ui ko Siutasi ʻIsikalioté, naʻá ne ʻalu atu ki he houʻeiki taulaʻeikí ʻo ne pehē: ‘Ko e hā te mou ʻomai maʻaku ka u lavakiʻi atu ia kiate kimoutolú?’ Naʻa nau tala mahino kiate ia ko e konga siliva ʻe 30.”