1:​2, 3​—Ko e hā ʻoku fakatatau ai ʻa hono manatua ʻa e tōʻonga ʻofa ʻa e tamasiʻi tauhi-sipí ki he uainé pea fakatatau hono hingoá ki he loló? Hangē pē ko hono ʻai ʻe he uainé ʻa e loto ʻo ha tangata ke fiefiá pea mo fakafiemālie ʻa hono lilingi hifo ʻo e loló ʻi he ʻulú, ko hono manatua ʻo e ʻofa mo e hingoa ʻo e tamasiʻí naʻe fakaivimālohiʻi mo fakafiemālieʻi ai ʻa e finemuí. (Sāme 23:5; 104:15) ʻOku pehē pē mo e kau Kalisitiane moʻoní, tautautefito ki he faʻahinga paní, ʻoku nau maʻu ʻa e mālohi mo e loto-toʻa ʻi he fakalaulauloto ki he ʻofa kuo fakahāhā ʻe Sīsū Kalaisi kia kinautolú.

1:2; 2:6. ʻOku feʻungamālie nai ʻa e ngaahi tōʻonga ʻofa maʻa he lolotonga ʻo ha faisō. Kae kehe, ʻoku totonu ke tokanga ha ongo meʻa ke hoko ʻa e tōʻongá ni ko e fakahāhā ia ʻo e ʻofa moʻoni ʻo ʻikai ko e holi taʻetaau, ʻa ia ʻe iku atu nai ai ki he fehokotaki fakasino taʻetaau.—Kaletia 5:19.