Tokanga ʻo Fakaʻehiʻehi mei Haʻo Fakatūkiaʻi Koe mo e Niʻihi Kehé

Naʻe ngāueʻaki ʻe Sīsū ha ngaahi talanoa fakatātā ke akoʻi mai ʻaki ʻa e mafatukituki ʻo e hoko ʻo tūkia pe ko hono fakatūkiaʻi ʻa e niʻihi kehé.

18:6, 7

• Ko ha “tūkiaʻanga” ʻoku ʻuhinga ia ki ha ngāue pe ko ha tuʻunga ʻoku taki atu ai ha taha ki ha ʻalunga taʻetotonu, ke tūkia pe tō fakaeʻulungaanga, pe ko e tō ki he angahalá

• Ko e tokotaha ʻokú ne fakatupunga ha taha ke tūkiá ʻe lelei ange kapau te ne tō ki tahi mo ha fuʻu maka momosi ʻoku tautau ki hono kiá

18:8, 9

• Naʻe akonakiʻi ʻe Sīsū hono kau muimuí ke toʻo atu ha meʻa ʻoku mahuʻinga hangē ko ha nima pe ko ha mata kapau ʻokú ne fakatūkiaʻi kinautolu

• ʻE lelei ange ke liʻaki atu ha meʻa mahuʻinga pehē pea hū ki he Puleʻanga ʻo e ʻOtuá ʻi he pīkitai ki ai pea iku atu ki Kīhena, ko ha fakaʻilonga ʻo e ʻauha taʻengatá

Ko e hā ʻi heʻeku moʻuí ʻoku lava ke hoko ko ha tūkiaʻanga, pea ʻe lava fēfē ke u fakaʻehiʻehi mei hono fakatūkiaʻi au pe ko e niʻihi kehé?