“Hanganaki Leʻo”

25:1-12

Neongo naʻe fakahanga ʻe Sīsū ʻa e pealapeli ʻo e kau tāupoʻou ʻe toko hongofulú ki heʻene kau muimui paní, ʻoku ngāueʻaki ʻa e pōpoaki tefito aí ki he kau Kalisitiané kotoa. (w15 3/15 12-16) “Ko ia ai, mou hanganaki leʻo, koeʻuhi ʻoku ʻikai te mou ʻiloʻi ʻa e ʻahó pe ko e houá.” (Māt. 25:13) ʻE lava ke ke fakamatalaʻi ʻa e pealapeli ʻa Sīsuú?

• Tangata malí (veesi 1)—Sīsū

• Kau tāupoʻou fakapotopoto mo mateuteu (veesi 2)—ʻOku mateuteu ʻa e kau Kalisitiane paní ke fakahoko faitōnunga ʻenau ngāué pea ulo atu ko e ngaahi maamaʻanga kae ʻoua ke aʻu ki he ngataʻangá (Fil. 2:15)

• Kaila: “Ko e tangata malí eni!” (veesi 6)—Fakamoʻoni ʻo e ʻi heni ʻa Sīsuú

• Kau tāupoʻou vale (veesi 8)—Ko e kau Kalisitiane pani ʻoku nau ʻalu atu ke fetaulaki mo e Tangata malí ka ʻoku ʻikai te nau hanganaki tokanga mo tauhi-maʻu ʻenau anga-tonú

• Fakafisi ʻa e kau tāupoʻou fakapotopotó ke vahevahe atu ʻenau loló (veesi 9)—Hili ʻa e silaʻi fakaʻosí, ʻe fuʻu tōmui ki he kau pani faitōnungá ke nau tokoniʻi ha taha kuo tafoki ʻo taʻefaitōnunga

• “Haʻu ʻa e tangata malí” (veesi 10)—Haʻu ʻa Sīsū ke fai ʻa e fakamaau ʻi he ofi ke ngata ʻa e fuʻu mamahi lahí

• Hū atu ʻa e kau tāupoʻou fakapotopotó ki he kātoanga kai ʻo e malí fakataha mo e tangata malí, pea tāpuni ʻa e matapaá (veesi 10)—Fakatahatahaʻi ʻe Sīsū ʻene kau pani faitōnungá ki hēvani, kae mole mei he faʻahinga taʻefaitōnungá honau pale fakahēvaní