ʻI he sio ki he ngaahi liliu ʻa hono husepānití, naʻe toe kamata ngāueʻaki ʻe Mihoko ʻa e meʻa naʻá ne akó. Ko e tefitoʻi moʻoni ʻe taha naʻe fakamoʻoniʻi naʻe tautefito ʻene tokoní ko ʻeni: “ʻOua te mou fakaanga, naʻa angaʻia kimoutolu. He ko e fakaanga ʻoku mou fakaanga ʻaki ko ia pe ʻe fakaanga, ʻaki kiate kimoutolu.”e Ko ia, naʻe fili ʻa Mihoko pea mo hono husepānití ke na talanoa fekauʻaki mo ʻena ngaahi meʻa leleí pea mo e founga ʻe lava ke na fakaleleiʻi aí kae ʻikai ko ʻena taki taha fakasio ʻena fehālaakí. Ko e hā ʻa e olá? ʻOku pehē ʻe Mihoko: “Kuó ne ʻai ai au ke u fiefia moʻoni. Kuó ma fai ʻeni ʻi he kai efiafí he efiafi taki taha. Naʻa mo homa foha taʻu tolú ʻokú ne kau ʻi he fetalanoaʻakí. Kuo hoko ʻo fakatupuivifoʻou moʻoni ia kiate kimautolu!”