“Ko e Meʻa Kuo Haʻi Fakatahaʻi ʻe he ʻOtuá . . .”

Naʻe fiemaʻu ʻi he Lao ʻa Mōsesé ki ha tangata naʻe fakakaukau ke vete mali ke ne ʻomai ha tohi vete fakalao. Naʻe taʻofi ʻe he meʻá ni ʻa hono motuhi fakavave ʻo e ngaahi nofo malí. Kae kehe, ʻi he taimi ʻo Sīsuú, naʻe ʻai ʻe he kau taki lotú ke faingofua ʻa e vete malí. Naʻe lava ke veteʻi ʻe he kakai tangatá honau ngaahi uaifí ʻi ha faʻahinga ʻuhinga pē. (nouti ako ʻi he nwtsty ʻo e Mk. 10:4, 11) Naʻe fakahanga ʻe Sīsū ʻa e tokangá ki he moʻoniʻi meʻa ko e nofo malí naʻe fakamafaiʻi mo fokotuʻu ʻe Sihova. (Mk. 10:2-12) ʻE hoko ha husepāniti mo ha uaifi ko e “kakano pē taha” ʻi ha haʻi tuʻuloa. Ko e makatuʻunga Fakatohitapu pē ʻe taha ki he vete malí, fakatatau ki he fakamatala ʻa Mātiú, ko e “fehokotaki fakasino taʻetāú.”—Māt. 19:9.

ʻI he ʻahó ni, ʻoku vakai ʻa e kakai tokolahi ki he nofo malí, ʻo ʻikai hangē ko Sīsuú, kae hangē ko e vakai ki ai ʻa e kau Fālesí. ʻI he hoko ha palopalema, ʻoku fakavave ʻa e faʻahinga ʻi he māmaní ke vete mali. ʻI he tafaʻaki ʻe tahá, ko e ngaahi hoa mali Kalisitiané, ʻoku nau vakai fakamātoato ki heʻenau fuakava malí pea feinga ke ikuʻi ʻa e ngaahi faingataʻá ʻi hono ngāueʻaki ʻa e ngaahi tefitoʻi moʻoni ʻa e Tohi Tapú. Hili ʻa e sio ʻi he vitiō ʻOku Fakafāʻūtahaʻi ʻe he ʻOfá mo e Fakaʻapaʻapá ʻa e Fāmilí, tali ʻa e ngaahi fehuʻí ni:

• 

  ʻE lava fēfē ke ke ngāueʻaki ʻa e Palōveepi 15:1 ʻi hoʻo nofo malí, pea ko e hā ʻoku mahuʻinga aí?

• ʻE lava fēfē ke ke fakaʻehiʻehi mei he ngaahi palopalemá ʻi hono ngāueʻaki ʻa e Palōveepi 19:11?

• Kapau ʻoku meimei movete hoʻo nofo malí, ʻi he ʻikai fakakaukau, ‘ʻOku totonu ke u vete mali?’ ko e hā ʻa e ngaahi fehuʻi ʻoku totonu ke ke fakakaukau ki aí?

• ʻE lava fēfē ke ke hoko ko ha husepāniti pe ko ha uaifi lelei ange ʻi hono ngāueʻaki ʻa e Mātiu 7:12?