Manatuʻi ʻa e Uaifi ʻo Loté

Ko e hā naʻe sio ai ki mui ʻa e uaifi ʻo Loté ʻi heʻene hola mei Sōtomá? ʻOku ʻikai ha lau ki ai ʻa e Tohi Tapú. (Sēn. 19:17, 26) ʻOku fakahaaʻi ʻe he potutohi ʻo e fakatokanga ʻa Sīsuú naʻe fakaʻamua nai ʻe he fefiné ni ʻa e ngaahi meʻa kuó ne tuku atú. (Luke 17:31, 32) ʻE lava fēfē ke tau fakaʻehiʻehi mei ha mole atu ʻa e hōifua ʻa e ʻOtuá hangē ko ia naʻe fai ʻe he uaifi ʻo Loté? Kuo pau ke ʻoua naʻa tau fakaʻatā ʻa e kumi ki he ngaahi fiemālie fakamatelié ko e meʻa muʻomuʻa ia kiate kitautolú. (Māt. 6:33) Naʻe akoʻi mai ʻe Sīsū ‘heʻikai lava ke tau ngāue fakatamaioʻeiki ki he ʻOtuá pea ki he Koloá.’ (Māt. 6:24) Kae fēfē kapau ʻoku tau fakatokangaʻi ʻoku kamata ke kāsia ʻe he ngaahi meʻa fakamatelié ʻa e ngaahi meʻa fakalaumālié ʻi heʻetau moʻuí? ʻE lava ke tau lotu kia Sihova ki ha ʻiloʻilo ke tau sio ki he feituʻu ʻoku fiemaʻu ke tau fai ai ha ngaahi liliu pea ki ha loto-toʻa mo ha mālohi ke tau fai pehē.

FAKAMANATU ʻA E VITIŌ KONGA TOLU MANATUʻI ʻA E UAIFI ʻO LOTÉ, PEA TALI ʻA E NGAAHI FEHUʻI KO ENÍ:

• 

  Naʻe anga-fēfē hono tākiekina ʻe he tenge ke maʻu ha paʻanga lahi angé ʻa e fakakaukau, lea mo e ngāue ʻa Kolōliá?

• ʻOku anga-fēfē ʻa e hoko ʻa e uaifi ʻo Loté ko ha fakatātā fakatokanga kiate kitautolu he ʻaho ní?

• Naʻe anga-fēfē tokoni kia Siō mo hono fāmilí ʻa hono ngāueʻaki ʻa e ngaahi tefitoʻi moʻoni ʻa e Tohi Tapú?

• Naʻe anga-fēfē hono uesia fakalaumālie ʻa ʻAna ʻe heʻene feohi ʻi he ngāué?

• Ko e hā ʻoku fiemaʻu ai ke tau loto-toʻa kapau ʻoku tenge kitautolu ke fakamuʻomuʻa ʻa e paʻangá ʻi heʻetau moʻuí?

• Naʻe anga-fēfē ʻa hono toe fakamuʻomuʻa ʻe Pulaieni mo Kolōlia ʻa e ngaahi meʻa fakalaumālié?

• Ko e hā ʻa e ngaahi tefitoʻi moʻoni ʻi he Tohi Tapú naʻá ke sio naʻe fakahāhaaʻi ʻi he vitiō ko ení?