ʻI hono leaʻaki ʻe Sīsū ʻa e ngaahi meʻa ko ʻení, naʻe tui ʻa e tokolahi kiate ia. Ki he faʻahinga ko ʻení naʻá ne pehē: “Kapau te mou nofo maʻu ʻi heʻeku akonakí, ko ʻeku kau ako moʻoni kimoutolu, pea ʻe faifai pea mahino kiate kimoutolu ʻa e moʻoní, pea ʻe fakatauʻatāina ʻa kimoutolu ʻe he moʻoní.”

“Ko ia kapau ʻe fakatauʻatāina kimoutolu ʻe he ʻAló,” naʻe hoko atu ʻe Sīsū, “te mou toki tauʻatāina moʻoni.” Ko ia, ko e moʻoni ko ia ʻokú ne fakatauʻatāinaʻi ʻa e kakaí ko e moʻoni fekauʻaki mo e ʻAló, ko Sīsū Kalaisi. Fakafou pē ʻi he feilaulauʻi ʻene moʻui haohaoa fakaetangatá ʻoku malava ai ha taha ke fakatauʻatāinaʻi mei he angahala fakatupu maté. Sione 8:​12-36.