Joshua
15 Nyika iyakapegwa+ kumikwasyi yamusyobo wa Juda yakasika kumunyinza wa Edomu,+ kunkanda ya Zini, kusikila kumagolelo aa Negebi kumusanza. 2 Munyinza wabo wakumusanza wakali kutalikila kumagolelo aa Lwizi lwa Munyo.+ 3 Alimwi wakali kugama kumusanza kumatantilo aa Akrabimu+ akuyakwiinda ku Zini akutanta kuzwa kumusanza kuya ku Kadesi-barinea+ kuyakwiinda ku Hezironi mane ku Adara akuzinguluka kugama ku Karika. 4 Mpoonya wakali kwiinda ku Azimoni+ akuyoosika ku Kalonga* ka Egepita;+ eelyo munyinza wakali kugolela kulwizi. Ooyu ngowakali munyinza wabo wakumusanza.
5 Munyinza wakujwe wakali Lwizi lwa Munyo kusikila waawo Jordano mpoutilila mulwizi, eelyo munyinza wakunyika wakali kunyonena waawo mulonga wa Jordano+ mpoutilila mulwizi. 6 Eelyo munyinza wakainda ku Beti-hogila+ akuyakwiinda ku Beti-araba+ nkoili kunyika; kumane wakainda kubbwe lya Bohani+ mwana wa Rubeni. 7 Munyinza wakainda ku Dibiri ku Kkuti* lya Akori+ akunyona kutozya kulubazu lwakunyika ku Giligala+ uulangene amatantilo aa Adumi, aakumusanza kwakalonga; alimwi munyinza wakainda kumaanzi aaku Eni-semesi+ akuyoogolela ku Eni-rogeli.+ 8 Mpoonya munyinza wakainda ku Kkuti lya Mwana wa Hinomu+ kusikila kumungenyu wabana Jebusi+ kumusanza, nkokuti Jerusalemu;+ kumane wakatanta kusikila atala aacilundu cilangene a Kkuti lya Hinomu kumbo, icili kumagolelo aa Kkuti* lya Refaimu kunyika. 9 Alimwi munyinza wakaselemuka kuzwa atala aacilundu kusikila kukasensa kamaanzi kaku Nefitoa,+ akuunka kuminzi ya Cilundu ca Efroni; alimwi wakasika ku Baala, nkokuti Kiriyati-jearimu.+ 10 Kumane wakazinguluka kuzwa ku Baala akuunka kumbo ku Cilundu ca Seiri akwiinda kumungenyu wa Cilundu ca Jearimu kunyika, nkokuti Kesaloni, alimwi wakaselemuka ku Beti-semesi+ akwiindilila kusika ku Timina.+ 11 Mpoonya munyinza wakainda kunselelo ya Ekroni+ kunyika, alimwi wakainda ku Sikeroni akwiindilila kusika ku Cilundu ca Baala akuunka ku Jabineeli, kumane wakaakugolela kulwizi.
12 Munyinza wakumbo wakali ku Lwizi Lupati*+ ankomwe yandulo. Ooyu ngowakali munyinza woonse wabana ba Juda kweelana amikwasyi yabo.
13 Lino Kalebe+ mwana wa Jefune wakamupa caabilo akati kabana ba Juda kweelana amalailile Jehova ngaakapa Joshua, nkokuti Kiriyati-ariba (Ariba wakali usyi wa Anaki), nkokuti Hebroni.+ 14 Aboobo Kalebe wakabatanda ooko bana ba Anaki+ botatwe: Sesai, Ahimani a Talimai,+ ibana Anaki. 15 Mpoonya wakazwa ooko akuunka kuyoolwana bantu bakkala ku Dibiri.+ (Kaindi Dibiri wakali kwiitwa kuti Kiriyati-seferi.) 16 Kumane Kalebe wakati: “Kufwumbwa mwaalumi utiisaale Kiriyati-seferi akuuzunda, ndilamupa Akisa mwanaangu musimbi kuti abe mukaintu wakwe.” 17 Mpoonya Otiniyeli+ mwana wa Kenazi,+ mwanookwabo a Kalebe, wakauzunda. Aboobo wakamupa Akisa+ mwanaakwe musimbi kuti abe mukaintu wakwe. 18 Lino Akisa naakali kuunka kuŋanda, wakazumanana kukombelezya Otiniyeli kuti alombe muunda kuli bausyi. Mpoonya Akisa wakaseluka ambongolo.* Kumane Kalebe wakamubuzya kuti: “Ino uyanda nzi?”+ 19 Wakati: “Amundilongezye, nkaambo mwakandipa nyika njumu iili kumusanza;* lino amundipe a Guloti-maimu.”* Aboobo wakamupa Guloti Waatala alimwi a Guloti Wamunselelo.
20 Oolu ndolwakali lukono lwamusyobo wa Juda kweelana amikwasyi yabo.
21 Njeeyi minzi yakali kumagolelo aamusyobo wa Juda kulubazu lwamunyinza wa Edomu+ kumusanza: Kabizeeli, Ederi, Jaguri, 22 Kina, Dimona, Adada, 23 Kedesi, Hazori, Itinani, 24 Zifi, Telemu, Bealoti, 25 Hazori-hadata, Kerioti-hezironi, nkokuti Hazori, 26 Amamu, Sema, Molada,+ 27 Hazara-gada, Hesimoni, Beti-peleti,+ 28 Hazara-suala, Beere-seba,+ Bizioti, 29 Baala, Iimu, Ezemu, 30 Elitoladi, Kesili, Horima,+ 31 Zikilaga,+ Madimana, Sanasana, 32 Lebaoti, Siliimu, Ayini a Rimoni+–minzi yoonse antoomwe yakali 29 kubikkilizya atunzi twayo.
33 Mu Sepela+ mwakali: Esitaoli, Zora,+ Asina, 34 Zanowa, Eni-ganimu, Tapua, Enamu, 35 Jarimuti, Adulamu,+ Soko, Azeka,+ 36 Saaraimu,+ Aditaimu, Gedera alimwi a Gederotaimu*–minzi iili 14 atunzi twayo.
37 Zenani, Hadasa, Migidala-gadi, 38 Dileani, Mizipe, Jokiteeli, 39 Lakisi,+ Bozikati, Egiloni, 40 Kaboni, Lamami, Kitilisi, 41 Gederoti, Beti-dagoni, Naama a Makeda+–minzi iili 16 atunzi twayo.
42 Libina,+ Eteri, Asana,+ 43 Ifita, Asina, Nezibi, 44 Keila, Akizibi a Maresha–minzi iili fwuka atunzi twayo.
45 Ekroni aminzi misyoonto yanguwo iizingulukide alimwi atunzi twanguwo; 46 kuzwa ku Ekroni kuya kulubazu lwakumbo, cilawo coonse cibambene a Asidodi atunzi twaco.
47 Asidodi+ aminzi misyoonto yanguwo iizingulukide alimwi atunzi twanguwo; Gaza+ aminzi misyoonto yanguwo iizingulukide alimwi atunzi twanguwo kusikila ku Kalonga ka Egepita, alimwi a Lwizi Lupati* acilawo cili kunkomwe yandulo.+
48 Alimwi munyika yamalundu mwakali Samiri, Jatiri,+ Soko, 49 Dana, Kiriyati-sana, nkokuti Dibiri, 50 Anabi, Esitimo,+ Animu, 51 Goseni,+ Holoni a Gilo+–minzi iili 11 atunzi twayo.
52 Arabiya, Duma, Esana, 53 Janimu, Beti-tapua, Afeka, 54 Humita, Kiriyati-ariba, nkokuti Hebroni+ alimwi a Ziori–minzi iili fwuka atunzi twayo.
55 Maoni,+ Karimeli, Zifi,+ Juta, 56 Jezreeli, Jokideamu, Zanowa, 57 Kaini, Gibea a Timina+–minzi iili kkumi atunzi twayo.
58 Haluli, Beti-zuri, Gedoro, 59 Maarati, Beti-anotu a Elitekoni–minzi iili cisambomwe atunzi twayo.
60 Kiriyati-baala, nkokuti Kiriyati-jearimu+ alimwi a Raba–minzi yobilo atunzi twayo.
61 Eelyo munkanda mwakali Beti-araba,+ Midini, Sekaka, 62 Nibisani, Munzi wa Munyo a Eni-gedi+–minzi iili cisambomwe atunzi twayo.
63 Pele ba Juda bakaalilwa kutanda+ bana Jebusi+ ibakali kukkala mu Jerusalemu,+ aboobo bana Jebusi bacikkala antoomwe aba Juda mu Jerusalemu kusikila sunu.